Sámis 26

10 Sámis 26/2017 BOARRASEAMOS FIERBMEŠLÁJAT Jagi 1914, muhtun jeakkis, muhtun miilla Viborga gávpoga davvenuort­ ta bealde, Ladoga jávrri lahka, gávdnojedje biergasat mat gulle boarraset geađgeáigái (muhtun duhát jagi ovdal Kristusa riegádeami). Daid gaskkas ledje fierbmebázahusat mat ledje dahkkon oalle nana árppuiguin, dasa lassin gikta ja luovdi. Dat gávdnojedje guovllus mii lea leamaš boares sámi ássanguovlu. Lea árvaluvvon ahte fierbmi lea gullan sápmelaččaide. (Pälsi 1920, gč. Nesheim s. 84). Dolin leat sápmelaččat ieža gođđán firpmiideaset. Boarraseamos roavva ávdnasat gođđit firpmiid ledje várra gáskálasfiiber ( gáskálas lea šaddu). Gáskálasfiiber lea geavahuvvon gođusávnnasin máŋgga sajis Eurohpás ja Ásias. Fierbmi Viborg-guovllus lei várra dahkkon dahje gođđon gáská­ lasárppuin. Eamiolbmot Sibirjjás leat áiggiid čađa gođđán firpmiideaset gáskálasárppuin. (Nesheim s. 85). Govva 3, 4. Eará sámi fierbmenamahus lea juoŋas, mii lea maiddái hui boares sáme­ giel sátni. (Nesheim s. 116). Juokŋasa geavahišgohte maŋeščavčča go jávrrit ledje jikŋon. Čulle ráiggiid jávrái ja suhppo juokŋasa jieŋa vuollái. Ođđaset áiggis leat davvisápmelaččat geavahan ruoiváid (hamp) gođđit firpmiid. Dat namahuvvojit vuosttas geardde čálalaš gálduin 1500-logu loahpageahčen. (Smith 1938: 288; gč. Nesheim s. 85). Ruoiváid fidnejedje sápmelaččat johtti gávpealbmáin. 3. Gáskálas lei hui dolin davviriikkaid deaŧaleamos gođusšaddu ja geavahuv­ vui ee. bivttasteapmái, fierbmegođđimii, báttiid ja báhpáriid ráhkadeapmái. 3. Nesle, brennesle var i sin tid Nordens viktigste tekstilp­ lante og ble blant annet brukt til klær, fiskegarn og -snører, tauverk og papir.