Sámis 26

16 Sámis 26/2017 GUOLLEIPMILA BÁLVALEAPMI Jagi áigi fuomášuvvui sieidegeađgi Norgga beale Deatnogáttis masa leat čullojuvvon báktegovvosat. Dát govvosat vedjet leat badjel 1000 jagi boarrásat ja orrot čájeheamen buođu mas lea doaris dahje oazis. Geađggis lea dakkár hápmi ahte dat ferte leat sieidi mii várra lea geava­ huvvon dan várás ahte guolásteapmi galggai addit bivdolihku. Govva 7. Borgemánus 2006 Romssa universitehta arkeologat dutke boares ássan­ báikki Lákšjohnjálmmi vulobealde. Bajábeal namahuvvon sieiddi ektui lea Lákšjoga sieidi máŋga miilla vuollelis leagis. Dutkanjoavkku jođiheaddji árvalii ahte duktásadji sáhttá leat gaskal 2000 ja 4000 jagi boaris ja vár­ ra lea leamaš sámiid máttarmáttuid ássanbáiki (Finnmarken 24.08.2006). Ássanbáikki lahka lea unna sieidegeađggáš man guovllu olbmot gohčodit Luossaipmilin. Geađgái leat čullon guokte stuorát ja máŋga smávit ráiggi, maidda leat bidjan oaffar-vearu. Guovllu árbevieruid mielde Luossaipmil geavahuvvui luossabivddu áigge. Go gottii vuosttas luosa giđđat, de galg­ gai oaffaruššat luosa oaivvi ja čoliid Luossaipmilii dainna doaivagiin ahte attášii buori luossabivdolihku. (Solbakk 2016, s. 19, 36). Govva 8. 7. Jagi áigi fuomášuvvui sieidi Deatnogáttis masa leat čullojuvvon báktegovvosat. Dát govv­ osat vedjet leat badjel 1000 jagi boarrásat ja orrot čájeheamen buođu mas lea doaris dahje oazis. Sieidi lea várra geavahuvvon dan várás ahte guo­ lásteapmi galggai addit bivdolihku. 7. For ett år siden ble det oppdaget hogde rist­ ninger i en stor stein ved Tanabredden . Disse ristningene kan være over 1000 år gamle, og sy­ nes å forestille stengselsfiske. Trolig forestiller rist­ ningene tverrstengsel, doaris eller oazis. Steinen har en form som tyder på at den er en sieidi – of­ ferstein som er blitt brukt under laksefisket, sann­ synligvis for å gi fiskelykke. Govva/foto: Mihkku Solbakk.