Sámis 27-28

18 Sámis 27–28/2018 meahcis vuos joavdelastit tiimmu guhkit go maid ferte ovdal go čohkkána guldalit báddejuvvon lottiid. Muhto dieđusge, gohčodit loddesymfoniija báddejuvvon lottid lea gal aib­ bas joavdelas, go dat nu čielgasit lea dáhtuin ráhkaduvvon dáidda. Nubbi lea ahte in mun gal gullan erohusa báddejuvvon lottiin ja daid lottiin mat meahcis vizardedje – lei nu buorre jietnarusttet ahte ii lean álki earuhit. Ja gal dat jo šattai viehka dáidda das – dáidda masa jáhkán Áilu ieš maid livččii liikot, go loddesymfoniijii ain lasihuvvui lagaš dálu vuoncávarrása skeaikin. Ledje maid eará oasit dáiddadáhpáhusas, okta almmái Luonddugáhtten­ searvvis doalai logaldallama doppemeahcis, muitalii mo dearvvaslaš meahc­ ci galgá leat, mo dainna eallá buoremus vuogi miel. Girjjálašvuođadutki Hanna Mattila lei farus, lei čállán artihkkala čájáhusii, ja vázzimis logai divt­ taid go mii ain orusteimmet. Dáiddár ja komponista Ánndaris Rimpi lei ráhkadan dáiddabargokommentára loddesymfoniijii, okta dikta ja oanehaš jietnadáidda maid vel guldaleimmet maŋŋá go loddesymfoniija nogai. Ale fal jáhke ahte in liikon dahje in lean duđavaš – lea vuosttas háve ah­ te lean fitnan dáiddadáhpáhusas gos bijan vel ođđa oláhusa man guhkás lean vázzán ovtta beaivvis – muhto lei erenoamáš vásáhus, vuos geavahit beaivvebotta lávvardaga geahččat dáidaga maid sáhttá čájehit tradišunella čájáhuslanjas, ja de olles sotnabeaivvi leat fárus nu immersiivva, buot-birastahtti dáhpáhusas, gos eanáš ledjen iežan jurdagiid siste. Jurdagiid siste MII GULDALAT OANEHAŠ logaldallama, diktalohkama ja báddejuvvon luođi dan botta go velohallat.