Sámis 27-28

20 Sámis 27–28/2018 ”a-a-anja-a-a-anja”, muhto nu han dat lea čáhceloddi, ollesolmmošin lea ár­ tet go ii oktage dalle dadjan ”muhto juste nie han lea čáhceloddi”. Muhto eai gavpotmánát guldal lottiid. Ja de fuomášin fáhkka, ovtta maŋŋebárgga moadde mánu maŋŋelebbo, ahte Elin Màr Øyen Vister ja Ánndaris Rimpi leigga Båddådjos čuojaheamen ”Singing along to whooper swans, talking with rocks. Goase dušše revisited” avantgardemusihkkafestiválas Nødutgang dan lávvarda­ ga. De maid dal dáiddáberošteaddji, eará go diŋgostii bileahtaid ja vulggii! Eanemusat danin go šattai nu miella iskat mo lei guldalit prošeavtta áib­ bas nuppelágan oktavuođas – vaikko sihke dáiddačájáhus ja avantgarde­ musihkkafestivála dieđusge leaba dáhpáhusat sidjiide geain lea erenoamáš beroštupmi dakkár áššiide. De mun vulgen fas johtui, dán háve gal nu mo heive go lea ribaheamen šaddat ecodáiddaberošteaddji: togain. Ja nu mo jo dávjá geavvá go olmmoš iská bargat maid nu ođđasit: fuomášin ahte ii beasa guldalit seammá jietnadáidaga guktii. Dán háve gal ii lean da­ nin go mun ledjen rievdan olmmošin miessemánu rájes, nu mo beakkán greikka filosofat oaivvildedje go dadje ahte ii sáhte guktii njiedjat seammá detnui (enter the same river twice), muhto go prošeakta lei viidánan ja riev­ dan. Lea vuostas festiválkonsearta mas mun lean fitnan mii lei guovtti oa­ sis, go vuos Øyen Vister muitalii Áilu ja loddesymfoniija birra ja mo dat rie­ gádii, ja čuojahii oasi loddesymfoniias, dan botta go mii čohkáimet lanjas gos eai lean eará čuovggat go dat heahtečuovggat mat galget leat almmolaš báikkiin. De bođii eará konsearta gaskkas – ferten gal lasihit ahte jus it leat goassige fitnan avantgardemusihkafestiválas Bådåddjos, de gal beanta berrešit dah­ kat dan, lei hui miellagiddevaš! – ja de lei fas ruovttoluotta dan sevdnjes lat­ njii, gos dál leigga Ánndaris Rimpi ja Elin Màr Øyen Vister goappat beal­ de lanjas, ja improviseriiga sudno oktasaš vástádusa ”Goase dušše” dáidda