Sámis 27-28

90 Sámis 27–28/2018 SARA CHRISTINE EIRA Čilgehus gussiide GÁRDDIS FERTET ŠADDAT bajon. Don fertet gárvodit dego son, hállat dego son, ja láhttet dego son. Bajo- na oainnát dávjá menddo stuorra stevveliiguin, bik- tasiiguin mat leat unnimus guokte nummira menddo stuorrát vai čáhket aŋkke golbma lága ullo, náhkke­ gahpiriin ja boahkánin mas heaŋgájit unnimusat guokte niibbi. Gulat dávjá su hállamin mieseproseant- taid ja njuovvanhattiid birra. Gulat maid su gárrudea- men jus mii nu ii mana plána mielde dahje jus gii nu ri- baha feilet, danin it berre feilet, muđui gal beasat gul- lat. Jitnosit ja garrasit! It ge berre dadjat masage ”æsj” dahje ”oh, stáhkkár unna boazu”, muđui leat agibeaivái steampalaston dážan. Nu ahte ollu lihkku, ráhkis guos- si! Giitte mu maŋŋá. MUN LEAN FUOMÁŠAN ahte váilu muhtun čilgehus mo njuovvan ja mearkun čađahuvvo, nu ahte earáide lea álkit áddet mii dáhkko ja mii ii dáhkko. Mun lean oainnat observeren ahte ollusat geat bohtet gallestal­ lat sáhttet issorasat suorganit jus leat nu lihkohea- met ahte ribahit feilet. Oaččut jáhkkit ahte dalle gul- lo garrualárbma ja huikkas juohke čiegas, dieđusge sámegillii, juoidá maid guossit dieđusge eai ádde. Ii hal sámegiella leat aiddo máilmmi-giella. OAČČUT BEARE VAJÁLDUHTTIT oađđit guhká go leat guossástallamin. Hálideaččat dal vai it, de álget guovttejuvllat ja njealjejuvllat šurrat gaskal 06:00 ja 06:30 áigge iđđes. Dalle lea veadjemeahttun oađđit viidáset. Vuoddjit čárvvodit gássa liiggás go attihit barttaid meaddel, nu ahte eatnašat morihit ja njuikejit seaŋggain eret, bargobiktasiid sisa ja olggos veahke- hit. Ii mearkkaš maidege jus bossu dahje arvá doarrás. Ii ge mearkkaš maidege jus leat 7 dahje 70 jagi buoris. Buohkat sáhttet ja galget veahkehit, muđui leat ”láiki”. GO EALLU LEA viimmat gárddis, de sáhtát jugistit gáfe ja borastit láibevajahasa maid don hui sihkkarit leat ánssášan go leat viehkan duháhiid mielahis bohc- cuid maŋis. Ále jáhke ahte sáhtát čohkkát ja návddašit iđitbiepmu nu beare guhká. Ovdal go gearggat smieh- tastit guktii, de leat mii fas viehkamin horsttaiguin bohccuid maŋis. Okta dehálaš ráva dán ovttastusas lea ahte don it goassege galgga jearrat diimmu go leat bajoniid luhtte! Ále jeara gallis galggat lihkkat, goas mii álgit gárddástallat dahje goas mii geargat. Boazu, dálki ja biegga mearridit buot, nu ahte fertet álo leat gearggus. Álo! Oađe biktasiiguin jus háliidat oađđit 30 sekundda liiggás.