Sámis 29

18 Sámis 29/2019 Sámi Sentralráđđi vuođđuduvvo Mis leat áidna dieđut Tromssa čoahkkima birra Máret-Lemet čállosa bokte, prentejuvvon Nuorttanastes skábmamánu 30. beaivve 1919. Suoidnemánu 28. beaivve 1919 vuođđuduvvui Sámi Sentralráđđi Troms- sas. Máret-Lemet – Klemet Pedersen Solbakken (1878- 1926), Rávttošnjárggas Porsáŋggus eret, válljejuvvui ovdaolmmožin; čállin John Haug (1887-1927), Davvi- Romssas eret ja ruhtadoallin Lemet-Lemet – Klemet Klemetsen Hætta (1883-1955), Guovdageainnus eret. Ovdaolmmoš Máret-Lemet čállá ahte Sentralráđi dahje Sentralsearvvi boahtte čoahkkin galggašii dollot Bos- sogohpis, ja áššelisttus ledje: 1. Jahkedieđáhus 2. Ráđi njuolggadusat 3. Viidáseabbo bargu 4. Bušeahtta 5. Bláđi (áviissa) ášši (“akšiak”). Son loahpaha čállosa dái- guin sániiguin: Máret-Lemet – Kle- met Pedersen Solbakk- en (1878-1926), vállje- juvvui Sámi Sentralráđi ovdaolmmožin searvvi vuođ­ đudančoahkkimis Tromssas 28.07.1919. Noras govva­ arkiiva. Lemet-Lemet – Klemet Klemetsen Hætta (1883- 1955) válljejuvvui Sámi Sentralráđi stivralaht- tun ja ruhtadoallin sear- vvi vuođđudančoahkkimis Tromssas 28.07.1919. Noras govvaarkiiva. “Mun divttán dákko bokte ustitlaččat ávžžuhit sámiid iežaset nuvtgo sámemielalaš dáruid buorredáhtolaččat buktit attáldagaid (gálvo- giesaldagaid dahje ruđaid) doarjun dihte dan “duoddara” bártniid ja nieiddaid hui hárvves čoahkkáiboahtima. Juo, buresboahtin!” Sámiid riikkačoahkkin 1920 Riikkačoahkkin šattai dollot Bonjákasas Deanus suoid- nemánu 10.-12. beivviid 1920. Ovdal čoahkkima sád- de Kolvik (Sarvvesvuona) sámesearvvi ovdaolmmoš Piera Jovsset – Josef Baukop čállosa geassemánu 7. beaivve 1920 Nuorttanastái dovddusin dahkat sámečoahkkima mii galgá dollot Deanus suoidnemá- nu 10. beaivve. Lea guhkes čálus ja vuhtto ahte son duođaid lea sentralráđi ideologa ja filosofa.