Sámis 29

30 Sámis 29/2019 Nuoraid gaskkas stuorra oassi gulahallamis dáh­ páhuvvá sosiála mediaid bokte. Eanet ja eanet olbmot leat sosiála mediain, ja álget juo dávjá mánnán. Sosiála mediat lea maid stuorra oassi mu árgabeaivvis ja mu sosiála eallimis. Dađi miel­ de go lean oahppan gielladikšuma birra, de lean imaštišgoahtán: mo mu sámegiella doaibmá so­ siála mediain, ja mo mu giella váikkuhuvvo das go ealán digitála áiggis? Háliidan dutkat dáid jearaldagaid, ja lean válljen dán barggus guorahallat čuovvovaš čuolmma: gea­ vahit go nuorat sámi árbevirolaš gulahallanvugiid go čálašit sámegillii sosiála mediain? Gulahallan­ vugiid man lean válljen geahččat leat geažideamit ja idiomat. Sosiála mediat maid geavahan beaivválaččat leat Facebook, Instagram, Snapchat ja Messenger. Dán teavsttas diet namat namuhuvvojit dávjá, ja áiggun dan dihte čilgestit iešguđet mediaid. Facebook lea media gos sáhttá juohkit govaid ja teavsttaid usti­ biiguin. Messenger lea Facebooka vuolde, ja geava­ huvvo čálašit ustibiiguin. Instagram lea govvajuoh­ kinmedia mas teaksta boahtá nuppi vuorus, muh­ to teaksta lea aŋkke dávjá mielde čilgemin gova. Snapchat lea govvajuohkinmedia mii sulastahttá Instagramma, muhto mas govat dávjá sáddejuvvo­ jit ovtta olbmos nubbái. SÁMEGIELA GEAVAHEAPMI SOSIÁLA MEDIAIN Ovdal go oba sáhtán čálligoahtit nuoraid inter­ neahtta-sámegiela birra, lea lunddolaš jearrat čállet go nuorat obanassiige sámegillii sosiála me­ diain. Máŋggain ođasartihkkaliin lea oidnon ahte nuorat eai čále sámegillii interneahtas. Ieš lean vásihan ahte mu sámegielat ustibat ja oahppásat čállet dárogillii munnje. Anna Kaisa Eriksen Partapuoli Sámegiella ja sámi gulahallanvuogit SOSIÁLA MEDIAIN