Sámis 29

Sámis 29/2019 39 oivanat gullet maiddái dán šáŋŋera ovdasiidui. Gir- jjiid váldopersovdna dábálaččat háliida jođánit šaddat rávesolmmožin ja mihtilmas chick lit jr. muitalusa ul- bmilin leage muittuhit, ahte vaikko rávásmuvvan ii álo leat álki iige rávisvuohta čoavdde buot eallima váttisvuođaid, de juohkehaš goittotge birge. Dábálaččat girjjiin láve rabas loahppa ja girji nohká dasa go váldo- persovdna šaddá rávesolmmožin. HAMBURGERPRINSEASSA Hámburgerprinseassa lea muitalus 17-jahkásaš joatk- kaskuvlaoahppis Márenis, gii lea hui váibmil hambur- geriidda. Son ohcala jeđđehusa biepmus, go vásiha juoi­ dá váivvi. Máren orru ovttas etniinis, guhte lea márka- na juhkki ja almmáiváibmil. Dan dihtii Máren givssi- duvvo ja olgguštuvvo skuvllas, eaige sus leat skihpárat skuvlla olggobealdege. Eahkedis Máren láve suoli fitnat 39-jahkásaš Máhte guossis, gii lea sutnje muhtunlágan irgi. Máhtte ii goittotge oro váldimin sudno oktavuođa nu duođas ja háliida doallat dan čiegusin. Máren doai- vu, ahte dilli rievddašii go son deavdá 18 jagi ja šaddá rávesolmmožin. Go Márena eadni oažžu ođđa irggi, bálkestuvvo Máren olggos sudno ruovttus. Máren fárre Máhte lu- sa, ja illuda ođđa álgui, muhto buot ii dattetge mana nu bures. Romána loahpas Máhte goittotge orru ádde- min, ahte son lea dahkan boastut Márenii. Dasa lassin okta luohká bivnnuheamos nieiddain, Láilá, jearrá Má- rena su guossái ja iežas mielde skuvlla juovlafestii. Láilá veahkeha Márena gárvodit albma láhkai ja son beassá vuosttaš háve earáid searvái. Maiddái luohká casano- va Juan gidde viimmát fuomášumi sutnje ja rámida su čáppisin. Muitalusa loahppa báhcá rabasin. RÁHKADUS JA STIILA Muitalus álgá dáhpáhusaid guovdu, in medias res, ja čuovvumihtilmas chick lit jr. ráhkadusa ja stiilla. Romá- na ovdasiidogovas lea čáppa nuorra nieida, gii doallá hamburgera njálmmi ovddas ja gáskkesta dan. Nieid- da lea vuoidan iežas čalmmiid pasteallaivnniin ja veal- lá rásiid alde. Romána namma, Hamburgerprinseassa , lea čállon stuorra fiskes bustávaiguin. Dákkár ovdasiidu bovde jáhkkimis erenoamážit nuorra nieiddaid lohkat girjji, mii lea chick lit jr. -šáŋŋera ulbmil. Romána juotna ovdána kronologalaččat ja lea čál­ lon preseanssa hámis. Muitaleaddjis lea interna posi­ šuvdna, dasgo mun-muitaleaddji, Máren, lea ieš mielde muitalusas váldopersovdnan. Muitalus lea ollásit čállon Márena perspektiivvas, ja danin sáhttáge lohkat, ah- te románas nana nissonperspektiiva, nu mo chick lit jr. -girjjiin dábálaččat. Románas leat maid oalle ollu dialo- gat. Vaikko románas leat ollu dáhpáhusat, lea goit- totge váttis dadjat, mii lea romána klimáksa. Orru, ah- te romána mearkkašahtti jorggáldat dáhpáhuvvá eask- ka romána loahpageahčen, go Máren deavdá 18 jagi iige Máhtte muitte sávvat sutnje lihku šaddanbeivviin. Má- ren áitá goddit iežas ja dalle Máhtte ádde man duođalaš chick lit –chick lit junior