Sámis 29

8 Sámis 29/2019 Davvisámiid vuosttas riikka­ čoahkkin 1919 Deanus – 100 jagi ávvudeapmi Davvi mearrasápmelaččat ledje gillágoahtán garra dáruiduhttinpolitihka. Mearrarittu skuvl­ lain illá gullui šat sámegiella. Dat lei gildojuv­ von. Dan eai sáhttán šat mearrasámiid njun­ nošat dohkkehit. Sii ledje gullan ahte Troandin- čoahkkin 1917:s lei menestuvvan bures. Lullisámi nisu Elsa Laula Renberg (1877–1931) lei njunnošis lágideamen vuosttas sámi riikkačoahkkima, mii dollui Metodista-girkus Troandimis guovvamánu 6–-9. beivviid 1917:s. Lágideaddjin lei Brurskankens Sa­ miske Kvindeforening , man ovdaolmmoš lei Elsa Laula Renberg. Čoahkkima rabadettiin Elsa Laula Renberg deattuhii sápmelaččaid oktasaš beroštumiid riikkarájáid badjel ja dajai ee.: Aage Solbakk Mis sámiin ii leat leamaš oktasašbargu, eat ge mii leat oahppan bargat searválagaid čeardan. Otne mii vuost­ tas geardde Ruoŧa ja Norgga beale sámit geahččalit ovt­ tas bargat. Boazodoalu láhkaášši lei deaŧaleamus áššin čoahk­ kimis. Dáhpáhus bekkii viidábut ja dagahii stuor- ra beroštumi Norgga áviissaid gaskkas, vaikko lei máilmmesoahti. Ledje čoahkkanan sullii 150 sápmelačča, eanaš lullisámi boazodoallit. Ruoŧa bealde ledje boahtán sullii 20 boazodoalli, muhto davimus Sámis Finnmárkkus dušše guovttis: Kárášjoga boazosápmelaš Álet-Lemet – Klemet Mat- hisen Somby (1868–1942) ja Unjárgga gieldda ruhta- doalli Johan Roska (1876–1956). Soai ovddasteigga Finnmárkku boazosápmelaččaid.