Sámis / Sámen 30

Sámis 30/2019 13 Ávžžuhusat 1. Viiddidit áddejumi eamiálbmogiid iešmearrideamis kollektiiva vuođđoárvun, man vehkiin lea vejo­ laš vuos oaidnit ja dasto burgit buot váldegaska­ vuođaid ja veahkaválddálašvuođa (ii dušše eami­ álbmogiid ja stáhtaid gaskkas). 2. Áddet mo eamiálbmogiid dálá politihkalaš ja riektediskursa lea menddo gárži fátmmastit dan ol­ les sisdoalu ja mearkkašumi eamiálbmogiidda. Ea­ miálbmogiid iešmearrideapmi sisttisdoallá ollu eará mearkkašumiid ja gaskavuođaid go beare eamiálb­ mogiid gaskavuođaid stáhtain. 3. Áddet ahte iešmearrideamis lea guokte earut­ keahtes oli, kollektiiva ja individuála autonomii­ ja. Individuála autonomiija dahje ovttatolbmo iešmearrideapmi sisttisdoallá gorutlaš guoskkat­ meahttunvuohta ja čavddisvuohta (integritehta). Kollektiiva iešmearrideami guovddážis lea eami­ álbmogiid eatnamiid integritehta. 4. Váldit vuhtii guktuid iešmearrideami oliid buot iešmearrideami ollašuhttinviggamušain. Albma kol­ lektiiva iešmearrideapmi ii leat vejolaš jos ovttat­ olbmo iešmearrideapmi ii ollašuva.