Sámis / Sámen 30

Sámis 30/2019 17 Muhto dál vuos ledjen Sieiddevuonas, mii dárogillii lea Myrfjord. Dat ge imaštahtti erohus sáme ja dáro namas, erenoamážit go ii leat jeaggi vuona birra, muhto baic­ ce ceakko bávttit. Maŋit beaivve, maŋŋil Ávanuori-galledeami gis galgen vuolgit Porsáŋgguvuona beallái, ja doppe vuodjit tunella Reaifvákgáddái deaivvadit Jovs­ set guoktáin Gretiin. Tunella manná vári čađa man namma lea Sieidi (Skarvberget). Vári olggumuš oassi dahje várrenjunni goit gohčoduvvo sieidin, mii áistton dárogiel dajaldaga, duođaid gahččá njuolgga merrii. Dat lea hui imponerejeaddji ceakko bák­ ti, man dološ sápmelaččat leat navdán sieidin. Bávtti namma lea Sieidi, iige dat leat dan dihtii ahte doppe gávdnošii sieidi – dat lea olles bákti mii leamaš sieidi. Dan geažil mun álgen ge smiehtadit maiddá Sieiddevuona birra, ahte dáidá das maid leat sieide-namma danin go olles vuotna lea adnon sieidin. Ahte ii doppe ge leat sier­ ra geađgi dahje eanaoassi mii lea čalbmáičuohcci dahje erenoamážit mearkašahtti, muhto ahte dološ sápmelaččaid mielas olles vuotna lei bassi dahje vuoimmálaš bái­ ki. Dan dihtii oaččui dat sieide-nama. Seammáláhkai go Sieidi Porsáŋggus lea bákti man ovddeš jáhkus atne bálvvusbáikin. Lea váttis dadjat maidige áibbas vissásii dán hárrái, go váilot gáldut iige oktage fuomášan dan birra jearahit boares olbmuin dan áigge go dološ osku ain lei vuoimmis. Lágiduvvon mátki boares “Mårøy”-lokál- fatnasa mielde Gili- vuonas Sieidavutnii 2019 geasi. Fievrri­ duvvuimet gáddái smávva prámmain.