Sámis / Sámen 30

18 Sámis 30/2019 Sieiddálažžii, nu go mun lean, lea erenoamáš miellagiddevaš daid sieide-namaiguin go ee. beakkán sámi báikenamaid dovdi Thor Frette rohkki, ja earát ge su maŋŋil, oaivvildit Sieiddá báikenama leat nuortalašgiela váikkuhus; ahte báikenamma mearkkaša unna sieidi, nappo sieiddáš, muhto ahte -š geažus nuortalašgiela miel­ de ii gullo, de dan dihtii dušše Sieiddá. Lea gal duohta ahte sieidi mii lea addán Sieiddái nama ii leat stuoris, muhto vuoimmálaš, erenoamážit dan dihtii go dat gul­ lá guvttiin eará sieiddiin oktii. Sieiddá sieidi oainnat lea oarjjabeal DeanuMáskevári davimus geahčen, állis mii luoitáda Deanu guvlui Liksagur bajábealde Biehkanvári guoras. Aiddo sieiddi buohta lea hui várddus sihke vulos ja bajás Deanu (sihke da­ vás ja máttás) ja das oaidná njuolgga nuppe beallái Deanu Luovttejot ráigge bajás. Unna jogaža guoras mii golgá Luovttejohkii, lea nubbi sieidi dan golmmačiegadis mii dahká Sieiddá-triaŋgela; namalassii Rássejot-sieidi. Goalmmát sieidi lea unna guollesieiddáš Sieiddáguoikka bokte. Dat guovlu mii lea dan golmmačiegaga sisk­ kobealde lea ovddešáiggiid jáhku mielde adnojuvvon vuoimmálaš guovlun. Dat mii navdimis lea Sieidavuon-sieidi. Ol- bmuid ságaid mielde sieidi lei veaháš mátk- ki bajás johkaleagi ja hui čalbmáičuohcci.