Sámis / Sámen 30

Sámis 30/2019 33 háliidat váldit su duođas vuhtii, de fertet dalle muitit geavahit juste rivttes sáni, tāua . Dán láhkai láhttejit Jaskesábis máŋga giela, dego mat maorigiela lassin haváijagiella ja Beassášsullo dahje­ ge Rapa Nui rapanuigiella. Iige dás nohkka, seam­ ma guovllus gávdnojit maid gielat main eai leat dušše ovttaidlogut, guvttiidlogut ja máŋggaidlogut, muhto maiddái golmmaidlogut – okta sátni mearkkaša ovda­ mearkka dihte ’mii golmmas’. Dalle go gielas lea golm­ maidlohku, de máŋggaidlogu pronomenat eai meark­ kaš ’eanet go guokte olbmo’ nu go sámegielas, baic­ ce ’eanet go golbma olbmo’. Maiddái dain gielain lea vejolaš ja iešalddes njulgestaga bággu muitalit, gulat­ go don min jovkui vai it. Nie dasto loahpaloahpas gáv­ dnojit eai dušše guokte sierra sáni dasa masa sámegie­ las dárbbašuvvo moai , muhto olles njeallji sáni dasa mii sámegielas lea mii . Ovdamearkka dihte Papua-Ođđa- Guineas hállet manamgiela, mas leat earret eará prono­ menat kitaru ’moai duinna’, keru ’moai suinna’, kita­ to ’mun ja doai’, keto ’mun ja soai’, kita ’mii dinguin’ ja "Moai geavahetne guvttiidlogu dáppe." Moai -nammasaš geađgebáccit Beassášsullos, gos maiddái geavahit guvttiidlogu.