Sámis / Sámen 30

46 Sámis 30/2019 Fosena guohtombájkke lij duolla dálla guoros dajna gå danna lidjin nav ållo urudisá ma boahttsujt bårrin. Dan diehti hiejttin sáme ællosujtov dåppe måttijt ájgijt. Viessom Vuona rijkan ij lim dat huoman gæhppat Milláj. Maŋenagi ållo surggo ja ietjá vuosste­ mannama. Suv gieres ålmåj Thomas jámij váren ja gavnnuj esski gå gålmma máno lidjin mannam. Suv ájnna niejdav ja niellja gietjat áhkkovijs sjattaj sån tjuovvot hávddáj. Sijá unna elututjis ij mannam viessot. Suv vivá Jonas Nilssona tjårå unnoj ja unnoj. Maŋemus viertti suv vivva álgget ræjnnuhiddjen iehtjá ælloniehkijn. Millá vierttij viessot gå hædjo, dav le dal álgge árvvedit. Lenska bievddegirjen gåsi árbbima birra tjáleduváj, lij dåssju akta báhko gå Millá jámij. Ij lænsska dárbaham tjállet ienni gå duov bágov "hædjo" dajna gå ællim mahkka árbbit. Millá ja Thomas gávnnuba girkkogirjij sinna duolla dálla gå dajda tjáleduvvi dábálasj dáhpádusá, gásta, konfirmásjåvnå ja hávddádusá. Låhkusa vuosedi såj lijga oahppása duojna mihtos ællo­ niehkijn ja sárnnedidjijn Thorkel Jonassen. Ihkap manná árvvedit Millá le sunji aj giehttum ietjas åtsådallamijt "ármo årninga" birra. Jus sån ja iehtjáda degu Læstadius li oadtjum májstatjit binnáv "alme ávos" gå lidjin Millájn aktan, dav máhttep ihkap månnat, valla mij val ep majdik diede. Ij vuohttu gånnåk jus Millá Klemeta niejdda ja Læstadius libá æjvvalam jali diehtalam maŋŋela gå lijga ságastallam Åselin. Ij le ga árvvedahtte dajna gå mælggada årrombájkij gaska. Læstadius jámij gålmmålåk jage åvddåla gå Millá jámij. Gå Millá hávddáduváj ællim aktak girkkobáhpa girkkogárden. Esski moadda máno maŋŋela de bådij girkkobáhppa ja juvlli dajt gudi lidjin hávddaduvvam. Læstadius lij juo ájggá jábmám. Sån ja Millá ejga la diehtalam maŋŋela gå æjvvalijga Åsele sámeednamin. Majt lij så lik Læstadius javllat jus sån lij girkkobáhppa gå Millá hávddáduváj? Dav ep mij diede, valla manná gåjt dal árvvedumsæhkáj månadit. Læstadius iesj tjállá sån ij galggam vajálduhttet dav hæjos nissunav nav guhkev gå viesoj ja dårvustaláj suv iejvvit tjuovggasap ilmen nuppen bielen jábmema ja hávde. Læstadius hålaj muhtem sálugin jábmám nissuna hávde báldan ja hiehpá dat midji luojkkat dajt bágojt jus galgaj dagu Millá hávde báldan hållat: "Vuoj dån herlugin dagádum vuojŋan. Åvddåla le dån sjuohkadam, valla dálla duv vájmmo le dievvasin ávos. Åvddåla begatjam måjve sinna. Dálla le dån bessam háledit. Åvddåla tjierrum, valla dálla le dån avvudallamin duv Lånestiddje ja Luovastjoavdde lunna. Suv juolgijt le dån fármastam ja gatnjalij luvvadam, valla dálla le Sån duv gatnjalijt sihkkum ierijt. Vuoj dån herlugin dagádum vuojŋan, dálla dån lávllo gijtov almmelasj ilmen, du Lånestiddjáj guddnen. Valla mij vájván vájaldiddje lep vilá ednama nanna,