Sámis / Sámen 30

Sámis 30/2019 59 ietján luluj máhttet dav sæmmi tjiehpet dahkat? Julevsámegiella ja suomagiella libá læhkám ráddnágiela – sierraláhkáj Jielleváren – juo guhka ájgev Læstadiusa åvddåla, ja sån buoragit goappátjijt gielajt máhtij. Læstadius lij aj ietján smidá bágojt adnet, ja dat dán jårggålimen aj vuohttu. Læstadiusa jårggålibme l tjielgas ja dádjadahtte ájn udnásj biejve. Vargga gájkka bágojt máhttá dálásj tjállemvuohkáj tjuolmaj dagi hiebadit. Ájnna sierralágásj báhko l summáv , mij udnásj gielan tjullav – ja nuorttasámegiellaj cummá – luluj. Tevstan li aj moadda kondisjonálaháme ma jáhkedahtte e desti gullu, duola dagu álgadimbágojn Jus boadálij muv irgge dan sadjáj go boadáluluj , jali vuojnnulij háme vuojnnululuj sadjáj. Dánna li dá bágo bisoduvvam Læstadiusa giela ja metrihka diehti álggohámen, ma li ienep nuorttasámegiela kondisjonála muoduga. Ihkap le máhttelis ájádallat – ehkäpä lie mahdollista ajatella – dáj guovte tjáppa ráddnágiela tevstajt luluj máhttet ienep jårggålit aj mijá ájge. Jus boadálij muv irgge Jus boadálij muv irgge, Muv åvddål vuojnnum vuojnnulij: Gal mån summáv vattáliv. Jus vil njálmme návde varran; Gal mon giedam gálggiliv: Jus vil germaj suormaj birra. Vájbi biekkan luluj miella; Vájbi bæjvádagán giella: Gal dat ságajt, bágojt vargga, Åvdås, maŋus guottálij, Guovte iehttselattjaj gaskan, Ållo ságajt mujttalittjij. Åvddål hæjtáv njálga biebmojt, Aktan Hærrá tjoarvvebielijt: Åvddål gå mån guojmám hæjtáv, Gev mån giessek dábmam lev, Dálvvek såjådallam.