Sámis 33

26 Sámis 33/2021 njálmmi mii golga “sálte čáhcái” gohčoduvvo juolggušin. Juolgguš leabbasii ja loait­ tui vuos máŋgga suorrái. Fávlelis loittodagas čoahkkanedje suorit oktii ja de golggai ovttain oallin vađđalii. Álgoahccin lei vađđalis veahá čiekŋaleabbo suhkat. Ahccin­ čázi dovdui vađđalis vuostterávnnji suhkat dan moadde čuohte mehtara ovdal go ol­ lii Váđđalgárgo ja fiervvávuođu badjil Ikkaldasrávdnjái. Áhttán lei jo veahá aiggi dás ovdalis luovvanan ja rievddáskan. Máttanávlu vuos­ tá Áhkánsullos lei áhttán cuovkanaddán ja bardán stahpolaggáid badjebadjála­ gaid. Ullerádjái lei muđui báhcán jieŋkávli ja munno bealgoalmmat siessat spissá lei rohttejovvun jieŋkávlli ala. Dás stáffus lei holga man vuostá ledje ceggejuvvun moadde luni. Dál go ledje ceaikačázit, de mearra azii njoazit. Go jo ii lean vuos ahcán jieŋkávlli rádjai, de moai dohppesteime moadde luni, njuoskadeime daid, ja bidjaleimme doarrás láirrafiervái, vai šaddá geahppasat dassalit fatnasa čáhcái. Dál ii lean eará go suhkalit ja čuovodit vihtaid dán dihkkáduvvun láiddu mielde Váđđalgárgo badjel Ikkaldasrávdnjái. Go dal Váđđalgárgo badjil leimme ollen ja bođiime Ikkaldasrávdnjái, de lei dan rávnnjis hirbmat šlupppar, sivvan go dál lei ahcci čáhci ja iđitmáttil bosodii. Dalle gárte rávdnji ja biegga vuostálagaid, mii dagahii čohka boršás báruid. Danne ii gán­ náhan rasttildit diekkár fasttes rávnnji munno golmmasiessat spissáin. Moai fertii­ me garvit garraseamos rávnnji ja suhkalit veahá sisaguvlui vuos ja de rasttildit rávn­ nji sisgeaži, gokko lei doažžičahci ja de fávllabeale sullogárgo čuvodit olggosguvlui. Mun dal čielkká njáldin ovdasiessás ja áhčči fas vuohppái maŋŋesiessás. Go dal jo leimme maniid ge áigun čuoggit, de áhčči dohppestii kiikkára ja guovlagođii Davit Áhkánsullo guvlui oaidnindihtii čohkkájit go lottit besiid alde. Moai sugaime sullo­ gátte ja finadeiime vuos Borjjasbávttis. Doppe oidnojedje čohkkámin moadde gái­ ru besiideaset alde. Sugaime mieđabeallái Áhkánsullo ja láddiime Njuorjjolotgávvii. Dása lei vuogas mieđabeal gáddái cehkket fatnasa ja ii ge lean nu menddo guhkki ulleráje vázzit Borjjasbáktái. Vaikko dal lávejit ge ollu gáirut dán muttus lálligoah­ tán maniid, de liikká lávejit gávdnot maŋošgáirut besiideaset alde maiguin ain ledje manit čeaktui. Dán bávttis lean mun ovdalis áiggi mannenmátkkiin luitojuvvon bátti mielde vulos báktái, olahandihtii bákteloapmái gosa muđui ii ollen goargŋut. Áhčči láve dohppestit mielde reabbábátti oktain reappáin. Reappá láve roahkastit