Sámis 33

Sámis 33/2021 27 soahkemiestagii ja mu fas čatnat nuppi geahčai báddái, ja nu láve mu luoitit bávt­ ti mielde vuolás gáirobeasi muddui. Diet bargu láve mu mielas leat gelddolaš ja mun liikojin diesa. Dán have ean lean váldán mielde batti. Moai liikká gávnaime moadde čeavttos gáiru- ja skávhlimani. Munnos lei unna sáivačáhcelihtáš mielde mas sáhtiime iskat ledje go manit čeaktui. Váccedehtin fatnasii oidnen dávgelágán geađgebarddáldaga ja sáhkkivuođa dihtii jearralin áhčis mii die ges lei. Son muita­ lii ahte lei čilla. Logai iežas ge báhčán geađgána dien čila duohken, muhto olbmot lávejit gal diekkár čilaid duohken lottid ge bážašit, son lasihii. Loddebivddus lávejit muhtumat sugahit lottiid čila guvlui ja earát fas vuorddašit ja govdejit čila duohken ja báhčaladdet. Haŋŋát, hávddat ja lihkkát ledje dábáleamos lottit maid bivde diek­ kár bivddus. Erenoamážit hálidedje muohkiriid, mat ledje nuorat hávddat. Daiguin lei buoret ja dipmásat biergu. Go dás de dassaleimme fatnasa fávlái, de moai suhkaleimme návlogeaži guvlui. Mieđabeale sullo lei snáris suhkat, biegga ii deaivan čázi ovdal fávlelis. Mun dal jav­ ken sullogátti, áhčči fas čohkohalai maŋŋesdovttus ja kiikkarasttii, gos dal livčče lot­ tit besiid alde. Oidnojedje máŋgga sajis lihkkát iežanassii vuojadallamin mearas ja dat lei buori mearka ahte dalle fertejedje hávddat ge leat besiid alde gáttis. Jus lihkká fávlin vuojadallá, de lea dat mearkan ahte hávda lea beasi alde badjelis sullos ja nup­ pi láhkai fas ahte jus gáddelis vuojadallá lihkká, de lea beasi dahkan vuollelii, laga­ bui ullerájá. Havddat mat lállájit miestatmaddagis besiid alde, ii gal leat sugadehtin buorre oaidnit, vaikko man lahka gátti de sugašii. Danne ahčči lei dušše murttuhan áiruid ja duos dáš ain ráhtalii áiruiguin tolljaid gaskkas, na go dal hávda ballášii eret beasis. Dalle oaidná gokko sullii hávda girdila beasis. Álgoguoddi hávddat lávejit čiehkat maniid ja danne rabustit lasttaid maniid badjil. Daid lave leat vattis gávd­ nat. Muhto mii lávet beagašit ja skurbat bohtuid ja miestagiid čada ja nie gávdnat dakkár arraguoddán hávddamaniid. Ja nu girdiliige hávda justa dakko buohta gok­ ko lihkká vuojadalai lahka sullogátti ja moai suhkaleimme gáddái. Ii váldán guhkes aiggi ovdal ahčči beagedettiin skurbbastii bohttuša ja gávnnai guokte mani čihkosis. Ii dárbbašan čázis gal iskat ledje go manit čeaktui. Hávda láve sullii guhtta guoddit ja dalle ii lean lahka ge liggegoahtán maniid.