Sámis 33

28 Sámis 33/2021 Olliime Davve-Návlui ja cehkkesteimme fatnasa soames sáttogávvii. Návlogárgos lávet mii stullet. Daid ii sáhttán čoaggit eará go dan áigge go ledje stuorrafiervvát, stuorračáziid áigge. Stoalát šaddet oainnat hui vuollin fiervvás. Stoalát ledje lassi­ fuođarin omiide ja sávzzat ledje hirbmat váibmil dáid šattuide. Das vázzileimme Návlogohpi guvlui gosa lávejit máŋggalágán lottit guoddit. Moai gávnnaime sih­ ke báiski- ja cagánmaniid. Návlogohpis čájehii ahčči munnje dološ duvttá ja fanas­ buvresaji. Muitalii ahte dás leamašan Ikkaldas-Ovllás goahti. Ii lean vissis guđemus buolvvas Ovllá goahti dalle leaš oktii dolin ceggejuvvon. Váccedettiin fatnasa guv­ lui Davve-Návlui de oinniime ahte Earte-Játkábáhkkái lei njiella badjánan. Moai doapmaleimme fatnasii ja de goappašagat čielkká njaldileimme njiela guvlui. Go lahkanišgođiime njiela de áhčči jorgalii maŋŋedoaktui ja vuohppái njelaguvlui. Dasto guovlagođii dán bivdosaji vihtaid ja mun dieđusge árvidin ahte áiggui, nu go jo láve, munnje čilgestit daid, sihke doares ja miehte vihta. Go de leimme ollen njillii de áhčči luoitilii seammás botneváđu. Dán njielas ledje smávva sallidat, maid eará guolit ledje bajidan čáhceoaivái. Dat ledje čoahkkanan ovtta sadjái dego spáb­ ban. Lottit fas buokčaladde daid ja dahke hirbmat njiela. Ovdalis áigge lávejit diek­ kár njielas hoavain goivestit seaktesallida. Ii dárbbašan go moddii luoitilit vađu ov­ dal go lei vuoššanguolli. Guolli lei valljis ja ean moai dán vuoru bivdán eambbo go párra vuoššandoarvvi. Dán njielas ledje máŋggalágán lottit njiellamin, eai dušše dat mat áimmus buokčaladde, nugo mat skávhllit, gáirut, čearrehat ja báiskit, muhto maiddái lottit mat čázi alde vuojadallet nu go hávddat, lihkkát, haŋŋát, čielkát ja moadde ruohki ge oidnojedje. Nu go áhčči ja eará boares olbmot leat muitalan, de leat dákkár dilálašvuođain olbmot ávkkástallan loddebivddus. Go dát vuoddji lot­ tit leat nu gallás boradan, ahte eai šat veaje girdilit, de olbmot sugahedje ja buovčču­ hedje daid dassá go eai šat nagodan buokčalit. Dalle lei dušše čoaggit daid váiban lottiid fatnasii. Dál moai mearrideimme suhkat Játkkánuori sisa Iŋgirlássái varas guoli vuoššastit. Dán lássái lávejit vel báiskit ja cagánat guoddit ja dása lei vuogas fatnasiin láddet. Sugadettiin sisaguvlui nuori, finasteimme vel mohki Borggitbávttis gosa lávejit čiel­ kát guoddit. Namma jo muitala ahte čielkát guddet dán báktái. Borggit lea oainnat čielkáčivga ja boaresolbmot muitalit ahte dolin lávejit borggihiid vuoššat. Čielkát guddet bákteskoaruide ja go galggai borggihiid fidnet diekkár sajis olggos, de láve­