Sámis 33

Sámis 33/2021 29 jedje soabbegeahčai darvvihit vuokka ja dainna roahkastit diekkár loddečivggaid olggos. Seammá hástalusat ledje munnos ge go gávnnaime čielkábesiid. Čielkkis guoddá maniid guhkás bákteskoaru sisa, danne ahčči darvvihii soabbegeahčai streaŋgačalmmi mainna sáttii goivestit čielkámaniid olggos bákteskoarus. Dasto moai sugaime Iŋgirguorggu badjel gáddái Iŋgirlássái gáfestallat. Áhčči seam­ más goivestii ruitui mearračázi ja gohččulii mu rievddahagaid čoaggilit boaldá­ muššan. De son cahkkehii dola, viežžalii mearas čázi ja bidjalii guliid duoldat. Lasi­ hasttii veaháš sálttiid guolleruitui, ja bidjalii vel moadde báiski- ja cagánmani duol­ dat gafegievnni sisa. Go dal manit ledje gárvvisin duoldan de mun dohppestin gáfe­ gievnni ja viehkalin jassii mii ain lei soames bákteskoarus. Das mun rokkastin seat­ njasa, deavdilin gievnni ja jorggihin dollagáddái. De mun heaŋggastin gáfegievn­ ni goaŋkogeahčái duoldat. Go guolit ledje loktanan ja gárvásit duoldan ruittus, de áhčči njorrii olles guolleruittu oktan liemain bávtti ala ja dasa moai čohkkáneimme guollelána goappátge beallái ja boimmodeimme das guollečaskáid ja boaradeimme maniid buđehiid sajis. Hálešteimme gaskaneame gos dal livčče vuogas idjadit. Áhčči árvalii eango moai su­ ga Goahtebátnjárgii. Stuorra-Játká máttageašnjárggas lea goamubákti gos olbmot leat don dološrájes jo idjadan. Dien álli vuolde lea suojis idjadit. Amma dal báike­ namma Goahtebátnjárga leage vuolggahuvvon dán vuogasis idjadan állis. Dál go ain govdduime Geahče-Játká nuori, de moai beasaime suhkat njuolgga Goahtebátnjár­ gii. Dán nuoris moai vuos orusteimme Bohkkáláttagii ja finasteimme Játkkábávttis moadde mani vel viežžaleamen. Ja de sugaime viidásat beavžžás dán nuori ja bisá­ neimme Vađasláttagii gosa lei vuogas cehkket fatnasa. Ovdal go moai guttiime bier­ gasiid idjadansadjái, de gáfestalaime mearragáttis. Moai čoaggileimme rievddaha­ gaid ullerájás boaldámuššan ja bidjaleimme dola geađgegaskii. Áhčči lei dohppes­ tan mielde guollečaskáid mat ovddit borramis ledje báhcán. Daid moai boradeim­ me galmmasnage oktan gusavuoiláibbiin. Go moai gáfe vel leimme bures jugadad­ dan de moai dohppesteimme oađđádagaid, vázzileimme bajás sullovieltái gos dal álli lei. Oađđadahkan lei áhčči váldán munnje duollji ja unna ránoža. Alddes gal lei dorka badjelis ja láve nakkehit dušše horstaseahka oaivve badjil nohkadettiin. Ii lean mu mielas nu liekkas gal idjadit, vaikko biegga lei váhččen. Go mun morránin