Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


Giellaruđat ja Deanu gielda
SFS diehtočálus geassemánu 6. b. 2005

Muhtumin gal olmmoš beahtahallá sámi mediaide. Nu geavai dán vuoro Sámi fágagirjjálaš čálliid- ja jorgaleaddjiidsearvvi (SFS) jahkečoahkkin-cealkámuša giellaruđaid geavaheami hárrái. Buorre lea go mediat čuovvulit ᚚiid, muhto váivi lea go sámi mediat nu hárve oidnet prinsihpalaš beliid man ge ᚚis. Menddo dávjá báhcet ᚚit dušše sivahalli šurnalistihkkan, mii ii buvtte čielgasa ᚚis ii ge atte lohkkái dahje guldaleaddjái čiekŋalet áddejumi das maid ᚚi duođaid muitala min servodaga birra.

SFS ii lean vuosttažettiin falleheamen Deanu gieldda iežas cealkámušain. Mii baicce dáhttut rámidit Deanu gieldda dan dihtii go sii leat duostan čađahit guorahallama das ahte masa Sámedikkis juolluduvvon giellaruđat duođaid mannet. Go de duođaštuvvo ahte oalle stuorra oasi ovddas eai sáhte gielddanjunnožat vástidit, de dat dieđus ge lea moaittehahtti, muhto dat ballamis ii earrán nu sakka daid eará gielddaid ja suohkaniid dili dáfus. Muhto dan sadjái go omd. jearahallat SFS ovddasteaddjiid ᚚis, dahje iskagoahtit mo eará suohkaniin lea dilli, de buot golbma sámegielat media baicce fallehedje Deanu gieldda ja eanet uhcit gáibidedje Sámediggeráđđelahtu cealkit ahte Sámediggi áigu ráŋggáštit Deanu gieldda. Ii ge ᚚi viiddiduvvon dasa mii lei cealkámuša váldosisdoallu, namalassii mat livčče sáhttit leat buorit vuogit mo geavahit giellaruđaid produktiivvalaččat. Ášši dehálaš beallái ja dan čuvgemii han gullá dat ahte Sámedikki eavttut gielddaid ruhtageavaheapmái leat ložžejuvvon, ja nu sámi gielddat, Deanu gielda daid gaskkas, eai dáidde leat rihkkon eavttuid eai ge njuolggadusaid.

SFSa guovtti cealkámušain lei muđui dat ulbmil ahte muittuhit Sámediggái sin váldoovddasvástádusa sámi giella- ja kulturpolitihka ovddas, ja gáibidit Sámedikki farggamus lági mielde ásahit 5-jagi plána mo čoavdit dán heahtedili masa sii leat ee. sámi ᚚe- ja fágagirjjálašvuođa dagahan, danin go ii juolluduvvo ruhta dasa oppanassii ge. Orru ahte Sámediggi ii dáhto hásttuhit servodat-digáštallamii. Dat lea váidalahtti, muhto vearrát vel lea dat go min sámi mediat eai oro čuovvuleamen konstruktiivva evttohusaid, baicce dušše vigget visot jorahit heittogin ja sivaheapmin. Servodaga hukse buoremusat movttidahttimin kritihkalaš jurddašeapmái, ii ge -- nugo menddo máŋga njunuš sámi ovddasteaddjit orrot oaivvildeamen -- negatiivalaš moaitimiin.

Harald Gaski
SFS stivrajođiheaddji

John T. Solbakk
SFS čállingottejođiheaddji

Almmuhan: 10.06.2005
Almmuhan: Mihkku Solbakk