Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


SFS miellahtuide!
Fágalaš mátki ja jahkečoahkkin 2006

Stivrajođiheaddji ja hálddahusjođiheaddji evttoheaba boahtte jagi jahkečoahhkima oktavuođas čađahit fágalaš mátki Dublinii. Fágalaš mátkki sisdoallun livččii oahpásmuvvat Eurohpa unnitgielaid rahčamušaide. Dublinas lea EU unnitgielaid váldočállingoddi, gos dáhtošeimmet. moadde diimmu čilgendilálašvuođa. Dasto finašeimmet mediaásahusas oaidnimin ja gullamin mo lihkostuvvet Irlándda gálalašgiela ovddideamen, ja finašeimmet maiddái universitehtas gos Irlándda áidna sámegielat professor bargá. Hállá čielga várjjatsámegiela. Buot dáhpáhuvašii eŋgelasgillii. Muhtin iežamet miellahtut sáhttet leat dulkan, jos dárbu. Finadit Dublina moadde beakkán pub:as gullá maiddái dákkár erenoamᚠmátkái, muhto ii gula virggálaš prográmmii.

Mátki cuoŋománu loahpas, duorastagas 27:is sotnabeaivái 30:ii, šattašii mátki omd. Álttás/Tromssas juohke olbmui ná:

Girdi - eanemusat NOK 5.000

Hotealla oktan iđitborramušainNOK 3.500

Borramuš 3 jándor NOK 1.500

summi NOK 10.000

Evttohat juohke olbmo máksit iežasoasi 2.000. Dalle livččii searvái gollun 8.000 juohke oasseváldi ovddas, buohkanassii 160.000 jos 20:s vulget. Jahkečoahkkin ja fágaseminára Tromssas láve máksit su 80.000, 20 olbmo ovddas. Lassi eaktun livččii maiddái dat ahte miellahtut johtet iežaset burssain namahuvvon girdibáikái. Mátta-Norggas jođášii Gardermoenii.

Mii dasto jearrat geat vuolggašedje mielde Dublinii namahuvvon eavttuid vuođul. Dáhttut vástádsua – áinnas farggamusat – ja goit ovdal 15.01. 2006. Vástádusa sáddet e-poastta bokte searvvi čujuhussii samifaga@samifaga.org .Vaikke vel jearaldat lea dego oaiviliskkadeapmi, de vástit ”JO” jos duođas sáhtát vuolgit!

Ođasmahttán 12.12.2005
Almmuhan: Mihkku Solbakk