Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


Davviriikkalaš girjjálašvuođa ovttasbargu ođđa hámis

Davviriikkaid ministarráđđi lea ásahan ođđa dáidda- ja kulturprográmma. Cuoŋománu 1. beaivvi álggii ođđa hoavda Kulturkontakt Nord-nammasaš ásahussii. Son lea Bergen ávvudoaluid ovddeš direktevra, gean váldobargun šaddá ovddidit davviriikkalaš kulturdoaimmaid. Dasa gullá maiddá sámi fága- ja čáppagirjjálašvuođa ovddideapmi. Njukčamánu loahpageahčen lei seminára Oslos, mas lei mielde SFSa ovdaolmmoš sámi áššedovdin. Fáddán lei boahtteáiggi davviriikkalaš girjjálašvuođaovttasbargu. Seminára buvttii máŋga rávvaga mo bisuhit ja nannet ovttasbarggu, maid gaskkas jorgalandoarjaga dehálašvuohta deattuhuvvui erenoamážit. Ovddeš Nordbok-ásahus heaittihuvvui jahkemolsumis 2006/07, ja dan sadjái lea boahtán viiddiduvvon ortnet Kulturkontakt Nord.

Eanet dieđuid ođđa organiserenmálle hárrái ja ođđa davviriikkalaš kulturprográmma birra gávnnat dán neahttačujuhusas:

www.kulturkontaktnord.org/kulturkontaktnord/sk/



Almmuhan: 08.04.2007
Almmuhan: Webdoaimmaheaddji