Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


Sámis nr. 4 juovlamánus
SFS:a nuvttá sámi čálakultuvrra ovddideaddji, Sámis nr. 4, fállat dán jagi juovlalohkosin. Miellahtuide galggašii áigečála ollet goit vahku ovdal juovlaruohta.

Vaikke vel Sámis áigečála lea min mielas sámi čálakultuvrra erenoamᚠbuorre ovddideaddji, de ii leat vel SFS:a lihkostuvvan bistevaš ruhtademiin. Fuomášahttit ahte dán jagi jahkečoahkkin mearridii ahte searvi galgá ieš ruhtadit áigečállaga 4. nummira, jos de mahkká Norgga Sámedikki ruhtahálddašeaddjit fuomášit áigečállaga árvvu sámegiela ovddideami ektui.

Sámis áigečállaga addit lohkkiide nuvttá. 1. ja 2. nummiris leat báhcán muhtin čuođi gáhppálaga. Buot 3. nummira 1000 gáhppálaga leat gávdnan lohkki. Dan ii fidne šat mis.

Jos dus leat oaivilat áigečállaga birra, de sáddes midjiide moadde sáni. Sáhtášeimmet lohkkiid oaiviliid geavahit dasa ahte boktit sámi ruhtadeaddjiid.

Sáhtat maiddái dás viežžat Sámis 4 áigečállaga, 5 MB pdf



Ođasmahttán 14.04.2008
Almmuhan: Webdoaimmaheaddji