Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


Anár lei dán jagᚠSFS jahkečoahkkin báikin
SFS seminára ja jahkečoahkkin dollui dán jagi Anáris, suomabeale Sámis. Oktiibuot 23 miellahtu serve jahkečoahkkimii, ja eatnašat sis návddašedje maiddái eahkemállásiid Kultahovi hoteallas.

Dán jagi lei stivra mearridan bidjat SFS seminára ja jahkečoahkkima Anárii, suomabeale Sámis. Dán oktavuođas leigo heivvolaš oahpásmuvvat suopmaniidda mat deike gullet, namalassii nuortalaš- ja Anár-suopmaniidda. Searvi lei ožžon Sámedikke sátnejođiheaddji, Tiina Sanila-Aikio, logaldallat nuortalašsuopmana dilálašvuođa birra. Anár-suopmana dilálašvuođa birra ságastii giellaberošteaddji Marja-Liisa Olthuis.

Jahkečoahkkin meannudii dábálaš jahkečoahkkinᚚiid. Šattai mealgat ságastallan ᚚiid birra maid ođđa stivra galgá boahtte doaibmajagis gieđahallat. Jahkečoahkkin mearridii maiddái ahte searvi galgá čavčča mielde lágidit giellaseminára.

Jahkečoahkkin maŋŋá beasse oasseválddit galledit Siida-musea. Doalut loahpahuvvojedje earenoamᚠnjálgga viđaoasat mállásiin.


Jođiheaddji Lill Tove Fredriksen sávvá oasseválddiide buresboahtima seminárii.  


Suoma sámedikke sátnejođiheaddji, Tiina Sanila-Aikio, čilgii nuortalaš sámegiela dilálašvuođa birra, otná ja ovddeš áiggiin.


Semináraoasseválddit guldaleamen miellagiddevaš logaldallama maid Tiina Sanila-Aikio doalai.


Giellaberošteaddji ja dutki, Marja-Liisa Olthuis, ságastii Anár-suopmana dilálašvuođa birra.


"Vai lea guhkki dassáigo mállásat leat!”
 
 
 


Ođasmahttán 08.06.2018
Almmuhan: Webdoaimmaheaddji