Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


SFS 2019 jahkečoahkkin
SFS lágidii 2019 jahkečoahkkima Guovdageainnu Thon Hoteallas geassemánu 1.b 2019. Jahkečoahkkin oktavuođas dollui maid seminára gos Gudrun Eriksen Lindi ja Ánde Somby ságastalaiga.


SFS jođiheaddji Lill-Tove Fredriksen sávvá buresboahtima jahkečoahkkinoasseváldiide. Govven: Pekka Sammalahti.

Dán jagᚠSFS jahkečoahkkin čohkkii 16 oasseváldi Guovdageainnu Thon hotellii geassemánu 1.beaivve. Jahkečoahkkin álggii seminárain gos Gudrun Eriksen Lindi logaldalai gielddaid giellaguovvddážiid hástalusaid, doaimmaid ja áigumušaid birra. Dás máŋŋá jotkkii Ánde Somby gielalaš mearkkašumiid ja čanastagaid birra dáinna bajilčállagiin "Gos giella galggašii njoarostit eallima”.
 
Jahkečoahkkin čađahuvvui maŋŋá lunšša. Jahkečoahkkin dohkkehii SFS stivrra jahkedieđáhusa ja rehketdoalu mottiin lasáhusain. Maiddái doaibmaplána dohkkehuvvui nugo stivra lei buktán ovdan. Sáhttit namuhastit ahte buohkat geat ledje válggas válljejuvvojedje ođđasit. Jahkedieđáhus oktan jahkečoahkkinbeavdegirjjiin lea gávdnamis min neahttasiiddus protokollaid bajilčállaga vuolde.
 

SFS Jahkečoahkkinoasseváldit. Govven: Pekka Sammalahti.

 

Logaldalli Gudrun E. Eriksen Lindi. Govven: Lill-Tove Fredriksen.
 

Logaldalli Ánde Somby. Govven: Lill-Tove Fredriksen.
 

SFS 2019 feastamállásat Guovdageainnu Thon Hotellas. Govven: Pekka Sammalahti.


Ođasmahttán 14.06.2019
Almmuhan: Webdoaimmaheaddji