Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


«10 jagi sámi vuoigŋaduoji vuoigatvuođaid ovddas»
Diekkár lei SFS, SÁLAS ja Sámikopiija oktasaš ávvudoaluid ja seminára fáddán.

John-Willy Rudolph
John-Willy Rudolph

Ii leat dáhpedorbmi dat ahte diet organisašuvnnat ávvudit vuođđudeami seamma jagi. SFS ja SÁLAS vuođđudeapmi lei ge eaktun dasa ahte sámi vuoigŋaduodjedahkkit galge oažžut buhtadussoahpamuša Norgga Kopinorain, ja nu ieža hálddašit sámi buhtadusruđa. Nu diet guokte searvvi ledje eaktun dasa ahte Sámikopiija sáhtii šaddat oktasaš sámi ovddasteaddjin vuoigŋaduoji gáhttema oktavuođain.

Kopinor direktøra John-Willy Rudolph lei dieđusge bovdejuvvon oktasaš ávvudoaluid gudniguossin ja ságastallin. Son lei ge Sámikopiija vuolgga-headdji 1992:s. Vuođđudančoahkkimis Guovdageainnus geassemánu 26.b. 1992 ledje Inga Ravna Eira, Audun Lona, ja John T. Solbakk. John-Willy lei čállin. Ingá válljejuvvui vuosttas stivrajođiheaddjin. Ingá lei jođiheaddjin 1995 geassemánu rádjái. Das maŋŋá lea John T. leamaš jođiheaddjin. Soahpamuš Kopinorain dahkkui 1994:s, ja seamma jagi sirdigođii Kopinor sámi buhtadusruđa Norggas Sámikipoiija bokte sámi vuoigŋaduodjedahkkiide.

Sámikopiija lea álggu rájis bargan Ruoŧa ja Suoma ektui. Ulbmil lea dat ahte oažžut seamma soahpamuša Ruoŧa ja Suoma organisašuvn-naiguin. Suoma Kopiosto ja Ruoŧa Bonus Presskopia eai sáhttán boahtit 10 jagi ávvudoaluide. Sámi organisašuvnnaid buhtadus boahtá ain dušše Norgga Kopinor soahpamušain. Dát lea dán rádjái buktán kr. 9,7 mill.

Oktasaš 25.5. 2002 vuoigŋaduodjeseminára

SFS stivralahttu ja sadjásaš jođiheaddji Anne Dagmar Biti Mikalsen lei okta ságastalliin, fáddá: «Sámi oahpponeavvut miehtá Sámi - hehttehusat ja vejolašvuođat.»

Dáidá leat ain dušše niehku, dat ahte sámi oahpponeavvuid geavahit eará riikkain go dušše doppe gos daid leat ráhkadan.

Sámediggeráđi lahttu Svein Peter Pedersen ovddastii Sámedikki Norggas. Son šállošii go presideanta Sven-Roald Nystø dattege ii sáhttán boahtit. Nystø lei galgan ságastallat ođđa Davviriikkalaš sámekonvenšuvnna birra, ja dán vejolašvuođain vuoigŋaduoji gáhttema ektui.

Frode Paulsen, Kopinor rehketdoallohoavda ja oktasaš ávvudoaluid guossi, darvehii kamerain muhtin ságastalli oasseváldiid. Dás golmmas geain buohkain lea guhkes áiggi vásáhus sámi oahpponeavvuid ráhka-demiin. Anne Margit bargá odne oahpponeavvuiguin Ruoŧa Sámeskuvla-stivrras, Aage ain čállá oahppogirjjiid, ja Ingá lea ee. ráhkadan oahppo-neavvuid mánáidskuvlla kristalašvuođa ohppui. Odne bargá oahpaheaddjin Sámi Joatkkaskuvllas Kárášjogas.

SFS, SÁLAS ja Sámikopiija feastamállásiin

Olu «buorit olbmot» ledje ožžon bovdejumi servviid oktasaš feastamállá-siidda, mat ledje bearjadaga 24.5. 2002. SGS ovddasteaddji Elle Marie Vars almmuhii Sámikopiija ovddastusgottečoahkkimis (jahkečoahkkimis) seamma beaivvi dan ahte SGS ii áigon oassálastit ávvudoaluin. Sivvan dasa lei go SGS oavvildii searvi lei vealahuvvon buhtadusruđa soaba-dallamiin, ja mannan jagi bággejuvvon dohkkehit unnit buhtadusa go maid searvi gáibida. Ná sii áigo čájehit duhtameahttunvuođa dasa.

Sullii guhttalot «guossi» ávvudedje feasta-mállásiin. Jos govain váillahat eambbo SFS olbmuid, de dasa lea dušše dat sivvan ahte unnán ledje min searvvi lahtut boahtán 10 jagi ávvu-doaluide. Govaid lea coahkuhan Kopinor Frode Paulsen. Son lea addán midjiide lobi daid geavahit. Ávvudoaluid ledje ruđalaččat dorjon SFS, SÁLAS, Sámikopiija ja Sámediggi Norggas.

Deaddil stuorát govvii!
Govas lea John-Willy Rudolph čilgemin vuoigatvuođa ášši Per Ludvig Boinii, Sámikopiija ovddastusgotte jođiheaddji ja SÁLAS ovddas-teaddji.
Dasto Kristina Utsi Boine, Dat lágádus, ja Seija Guttorm, SFS.

Deaddil stuorát govvii!
Arne Ivar Johnsen ja Ámmon Johnskareng čuojaheiga ja lávlluiga sihke feastamállásiin bearjadaga ja konsearttas lávvardaga.

Deaddil stuorát govvii!
Mona Solbakk, SJS, Katri Somby, SJS, Steinar Arild SÁLAS, Máret Sofe Holmestrand, STS, Geir Wulff SÁLAS, ja Iđut lágádusa Nan Mydske Persen ja Åge Persen.

Deaddil stuorát govvii!
Anne Margit Påve, Ruoŧa Sameskolstyrelsen, Mai Britt Påve, Girona oahpaheaddji, ja Ingunn Utsi, govvadáiddár ja Sámikioopiija sadjásaš stivrajođiheaddji.

Deaddil stuorát govvii!
Seija Guttorm (SFS). Aslaug Juliussen (SDS), John Henrik Eira (SFS), John T. Solbakk (SFS), Sámikopiija stivrajođiheaddji, Ámmon Johnskareng, Ann Irene Buljo (SJS) ja Odd I Solbakk (SFS).

Deaddil stuorát govvii!
Sámikopiija «čalbmeáhčči», Kopinor direktøra John-Willy Rudolph buvttii Sámikopiijii lihkkosávaldagaid, ja geigii skeaŋkka, man stivrajođiheaddji válddii vuostá. Ieš oaččui fas «čalbmeáhččci» eatnat giitosiid, ja olu rámi barggu ovddas maid lea dahkan Sámikopiija ovddas.

SDS:a Ingunn Utsi lea guokte jagi leamaš Sámikopiia stivrras, ja stivrra sadjásaš jođiheaddjin. Son ja olles stivra válljejuvvui fas jahkái organisašuvnna ovd-dastusgottečoahkkimis Kárášjo-gas miessemánu 24.b. 2002.



Almmuhan: 30.10.2004
Almmuhan: Mihkku Solbakk