Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


Sámi girjeoastinortnet - gosa šattai?
Norgga Kulturdepartemeanta lea mannan giđa kultur-dieđáhusain lohpidan dan ahte boahtte áiggis galgá Norggas leat oastinortnet maiddái fágagirjjálašvuhtii, áššeprosa girjjiide. Sámediggi Norggas lea diibmá guor-rasan SFS:a gáibádussii, ahte nu galgá boahtte áiggi sámi girjjálašvuođa oastinortnet ge doaibmat.

Dađebahábut ii leat Sámis odne makkárge oastinortnegiid. Davviriikka-laš oastinortnet, maid Sámieáđđi hálddašii, loahpahuvvui go ruhta-gáldut goike. Ortnega lei Norga dorjon fásta juolludemiin álggu rájis. Ruoººa ja Suopma ledje dasa opp’áiggi loikasat. Dasa sáhtii lean sivvan dat go girjjálašvuođa oastinortnet, masa Norgga vuogádat lei minstarin, lei amas sihke Ruoºa ja Suoma kulturpolitihkalaš eiseválddiide.

Ii dušše čáppagirjjálašvuohta

SFS 2003 doaibmaplánas daddjo ahte livččii riekta ahte ee. čálli-searvvit barget ovttas dáinna áššiin. Sámiráđđi loktii ášši ráđi kultur-lávdegotti girjjálašvuođa seminárain Leavnnjas 7.3. 2003, muhto dađe-báhábut doppe hálle dušše čáppagirjjálašvuođas oastinortnega okta-vuođas. SFS lea ee. Sámediggái fuobmášahttán manne lea erenoamáš dehálaš fátmmastit fágagirjjálašvuođa dákkár oastinortnegiin. Váldu sivvan lea dieđusge dat go easkka maŋemuš nuppelot’ jagi leat Sámis ilbman genuiidna sámi fágagirjjit, maid sápmelaš dutkit ja fágagirjjálaš čállit lea almmuhan. Dáid girjjiid dieđuid galggašii oažžut álbmogii mii ovdal ii leat muosáhan beare olu dieđu omd. ieažas historjjá ja servo-daga birra. Girjjálašvuođa oastinortnet sáhtášii leat okta vuohki mo jovssašii sámi lohkiid girjjiiguin mat dađistaga ilbmet sámi lágádusain.

Sámiráđđi lea moadde jagi dassái evalueren oastinortnega mii loahpahuvvui, ja muhtin muddui maiddái evttohallan dasa joatkaga. Diet evalueren lea buorre diehtogáldun dasa go árvvoštallagoahtá ođđa oastinortnega. Dađebahábut gullat juo dása vuosteákkaid, manne dát ii loktejuvvo - ruhta váilu! Ii geas ge leat dasa dárbbašlaš ruhta!

Almmuhan: 30.10.2004
Almmuhan: Mihkku Solbakk