Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


10 jagi sámi aviissaiguin
Min Áigi ja Áššu ávvudit dán jagi 10 jagi. Min Áigi ávvudii Kárášjogas skábmamánu 7. beaivvi ee. mini mediaseminárain, man fáddán lei nu mo dás bajilčála.

Váldoságastallin ledje John T. Solbakk, «130 jagi sámi áviisahistorjá», Odd Mattis Hætta, «Ságat aviissas Sámi Áigečállagii», ja Ragnhild Nystad, «Manne NSR:as guokte aviissa 1993». Berit Nystad kommenterii Sámi Áiggi álgojagiid -1980 jagiid álggus - dalle go ieš ge lei journalistan aviissas. Govas leat geahčadeamen sámi aviissaid maid Odd Máhtte lea čohkken ja čatnan: Ragnhild Nystad, Berit Nystad, Fred Persen (Min Áiggi almmuhuskonsulenta), Odd Máhtte, Nils Henrik Måsø (Min Áiggi ođđa doaimmaheaddji), ja Sámi Radio Nils Johan Gaup, gii maiddái muittašii Sámi Áiggi álgojagiid, go son lei dalle vuos almmuhuskonsuleantan ja dasto rehketdoallin.

Govven Ammon Johnskareng

Min Áiggi 10 jagi ávvudeami mediasemináras oassálaste maiddái aviissa oamasteaddjit, olgešbeali govas Kárášjoga gieldda sátnejođi-headdji Kjell Sæther, gieđas SFS:a 10 jagi ávvugrji «Čállet Sámi Verddet». Girji lei SFS, ČálliidLágádus ja Min Áiggi skeaŋkan semi-nára oasseválddiide, ja oasseválddiide ávkkálaš ja buorre neavvu ee. artihkaliin sámi mediaid birra. Duogábealdi oidno NSR:a Marit Meløy Utsi, Min Áiggi journalista Josef Isak Utsi ja Laila Stien.

Govven Ammon Johnskareng

Seminára lágideaddji, Min Áigi, hástalii sámegielat aviissaid Min Áiggi ja Áššu oamasteaddjiid digaštallagoahtit aviissaid boahtte áiggi. Dasa gullet erenoamážit gažaldagat: 1) Maid sii oaivvildit otná guovtte-áviisa-dillái, galggašii go daid bargat oktan aviisan? 2) Mo ekonomalaččat ja praktihkalaččat ollašuhttá gáibádusa almmuhit sámegielat aviissa juohke árgabeaivvi? 3) Makkár ovddasvástádus lea guovddáš sámepolitihkalaš ásahusas Sámedikkis aviisaid ektui?

Almmuhan: 30.10.2004
Almmuhan: Mihkku Solbakk