Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


Dáža «Store Norske leksikon» fas ođasmahtto
Norggas lea dál fas ođasmahttimin diehtogáldu «Store Norske leksikon». 1999:s gerge maŋemuš ođasmahttimiin.

1995:s ilmmai 1. girji ja 1999:s maŋemuš ja 16. girji. Buohkanassii dain leat 120.000 siiddu, das 5,5 siiddu sápmelaččaid birra. Ođasmahttin šaddá máksit badjel 10 mill. NOK.

Norgga Fritt Ord ásahus lea bidjan 10 million leksikona ođasmahtti-mii. Kunnskapsforlaget lea lágideaddjin. 10 million ii lean dattege doarvái dasa ahte dievaslaččat ođasmahttit leksikona fágagirjjálaš bib-liografiija. Nu lea ge Norgga fágagirjjálaš čálliid- ja jorgaleaddjiidsearvi (NFF) juolludan 1 million NOK dieavsmahttit bibliográfiija. Barggu dahká Nasjonalbiblioteket leksikonpošeavtta ovddas. NFF gohčuda ruhtajuolludeami leksikonprošeavtta ođasmahttimii «kulturpolitihka-laš» doarjjan. Norgga Fágagirjjálaš foanda lea mii juolluda ruđa. Ođas-mahttojuvvon dáža leksikon ilbmagoahtá 2005 rájis.

Sámis fertet ain dušše niegadit stuorát foanddaid ja friddja ruhtadeaddjiid birra, mat sáhtášedje ruhtajuolludemiin leat doarjjan čuvgehusdoaimmain. SFS:a iežas Fágagirjjálaš foandda sáhtášii várra áiggi mielde hukset diekkár ásahussan. SFS:a foanda han dál bidjá ruđa plánejuvvon sámi čálakultuvrralaš áigečállagii, masa Fritt Ord ja NFF leat dan jagi juolludan NOK 50.000,- ja 20.000,- álggahandoarjaga.

Almmuhan: 30.10.2004
Almmuhan: Mihkku Solbakk