Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


Sámi ohcangirji (leksikon)
Diibmá álggahii ČálliidLágádus sámegiel leksikonprošeavtta. Golmma jagis galggašii ráhkaduvvot giehtačálus

Ohccojuvvui doarjja Gieldda-departementtas danin ahte álggahit prošeavtta. Diibmá juolludii Departementa álggaheapmái NOK 100.000. Lágádus ozai dán jahkái doarjaga sihke departementtas (NOK 130.000), ja Sámedikkis Norggas (NOK 165.000,-). Departementa ii juolludan maidige dán jahkái, eai vuoruhan ollu ohcamušaid geažil. Sámediggi juolludii čakčat ohccojuvvon doarjaga, ja prošeakta nu sáhttá joatkašuvvat. Prošeavtta čohkken ja čállinbargu lea rehkenastojuvvon bistit goittot golbma jagi. Prošeavtta ovdáneapmi lea jahkásaš ruhtajuolludemiid duohkin.

Sisdoallu

Ohcangirji dahje leksikon lea alfabehtalaš sátne- dahje doabagirji čilgehusaiguin sámegillii. Dat galggašii gokčat deaºaleamos diehto-surggiid sámiid birra doložis otnážii. Dieđut dahje fáttát leat juhkko-juvvon artihkkaliid dahje čállosiid mielde mat leat ordnejuvvon alfabehtalaččat namahusaid (titteliid) mielde.

Girjjis galget leat fáktadieđut doahpagiid, áššiid, fearániid, dáhpáhusaid, olbmuid birra jna. Erenoamáš fágačehpiide dákkár ohcangirji dávjá ii leat doarvái. Sii fertejit lassin dorvvastit spesiálaleksikonaide, maid sisdoalut leat erenoamáš fáddásuorggit. Giehtačálus šattašii goittot oktiibuot sullii 800-900 siiddu, ja dasa lassin ollu govat, sárgosat/tevnnegat ja kárttat. Gárvves girji/leksikon šattašii dalle sullii 1000 siidosaš. Ohcangirjji váldodoaimmaheaddji lea Aage Solbakk. Doaimmahusgottis leat:

1. historihkkár Aage Solbakk, Čálliidlágádus, Deatnu

2. professorstipendiáhtta Harald Gaski, Tromssa universitehtta

3. gielladutki Inger Marie Gaup Eira, Sámi instituhtta, Guovdageaidnu

4. sosialantropolog Solveig Joks, Sámi allaskuvla, Guovdageaidnu.

Almmuhan: 30.10.2004
Almmuhan: Mihkku Solbakk