Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


Beroštit go sámi lohkkit sámi girjjiin?
Doaimmaheaddji John T. Solbakk čállá

Galgen dás dušše evttohallat fáluhanvugiid maid omd. eat leat vel Sámis geahččalan. Dagan mun gal dan ge dás loahpas, muhto ferten vuos bisánastit čálliid iežaset ovddsavástádusas lohkkiid ektui. Jos leš min mielas nu ahte lohkkit eai oro doarvái berošteamen girjjiin maid mii čállit, de galgat maiddái jearrat dan ahte čállit go mii nu ahte deaivat sámi lohkkiid. Dás mun in earut čáppagirjjálašvuođa fágagirjjálaš-vuođas. Mun fuobmášahtán maiddái dan ahte go nu unnán beaggá dat ahte olbmot lohket min girjjiid, ahte muhtin logai, ja de fertii dan birra hállat dahje čállit, go girji lei nu boktalan su, de lea juoga mii váilu min «girjjálašvuođa máilmmis». Sáhttá leat nu ahte dakkár girji hárve ilbmá sámegillii, dahje vejolaš lohkkit eai beroš go eai dieđe mas galget beroštit. Dalle lean ollen čuoččuhussii ahte min girjjálašvuohta (fága- ja čáppa-) eallá iežas čiegus máilmmis, ja ii ge gávnnat sámi lohkkiiguin.

Jahkásaš sámi girjemárkan oktan buot daiguin mat dasa gullet, sáhttá leat de okta vuohki mo boktalit beroštumi min girjjálašvuhtii. Lea buorre go Sámiráđđi dál loktii ášši ja álggaha plánenbarggu dása. Eat dieđe vel maid ráhkkananjoavku šaddá evttohit, muhto berre goit dakkár dáhpáhus maid mii eat leat vel oaidnán Sámis. Girjemárkan, -doallu dahje -meassu fal, muhto ii dieđusge dušše dat.

Eará vuohki lea oastinortnet girjjiide. Das mii doaivut Sámediggi Norggas fargga oaidná dan ahte dát ii ollašuva jos Sámediggi ii ane fuola, ja ráhkada dasa man nu lágan álggu. Ii leat goit ávki vuordit eará Davviriikkaid. Sáhtášii go Sámediggi dása leat lokomotiivan?

Sámi fágagirjjálaš čálliid- ja jorgaleaddjiidsearvvi stivra:

Ovdaolmmoš: Harald Gaski, Rautindveien 8, 9100 Kvaløysletta
Stivralahttu: Anne Dagmar Biti Mikalsen, Bohtaldievvá 3, 9520 Guovdageaidnu
Stivralahttu: Mai Britt Utsi, Ádjetjohka, 9520 Guovdageaidnu

Hálddahusjođiheaddji / FÁGAČÁLLI doaimmaheaddji: John T. Solbakk

Hálddahusa čujuhus: SFS, N-9730 Kárášjohka
Hálddahusa telefovnnat: 78 46 83 30
Faksa:
78 46 83 29
Mobil: 91 59 06 06.

Almmuhan: 30.10.2004
Almmuhan: Mihkku Solbakk