Sámis 31

Sámis 31/2020 13 CHIHIRO MANAHA NAMAS go boahtá noaideáhku Ju- baba dállui. Jubaba suoláda sus golbma dain njeallje mearkkain mat mandariidnagielas dahket nama Chihi- ro. Báhcá dušše okta mearka, ja dalle šaddá su namma Sen. Chihiro skibir, Haku, dadjá ahte go olmmoš ma- naha namas, de manaha maid muittu. Dát dávista mu siste. Go mii leat maid manahan namaideamet. Mu sohka gullá daidda maŋimusaide geat fertejedje ođđa na- maid váldit atnui[1]. Mii eat gula boazodollui, nappo eat sáhttán joatkagis doalahit makkárge sámi nama. Fertii leat sohkanamma, ja dat galggai vuolgit áhči ov- danamas ja -sen gehčosa vel laktit dasa. Johan-sen. Measta nu mo Chihiro, gii šattai dušše -sen. Min soga namma sáhtášii leat Saua, dahje ovddit há- mit Sauva, Čoavvá. Veadjá leat vel nu ahte Čoavva gil- li lea dat báiki mii dán áigge gohčoduvvo Soađegilli. Mákká-Regnor dat muitalii munnje ahte veadjá leat nu, ja son maid čilgii munnje makkár mu sámi nam- ma duohtavuođas livččii: Juhu-Sire. Lean olles eallima gullan ahte mu sámi namma laktásivččii Veivoktár- nammii, das go mu áddjá, Gánda, han lei Veivoktár. Livččii han iešalddis dohkálaš namma, muhto go olb- mot Boratbovccá bajábealde ja duon beal vári eai oba dieđe makkár sohka dát ges lea, de lean moaddelot jagi smiehttan Mákká-Regnora sániid. Regnor válljii ieš nama váldit eatnis maŋis. Lei várra lunddolaš. Mun in sáhte nama váldit eadnán maŋis. Son han lei riv- gu. Ferten áhččán sogas viežžat dan. Ja go juo gulan Juhu-sohkii... Eatnašat dovdet dušše ovtta Juhu min áiggis: Joho-Niillasa, guhte elii 1934-2012, ja lei sáme- gielprofessor, earret eará mu sámegieloahpaheaddji. Ja Joho-Niillas lei Mákká-Regnora viellja. Regnor dat čilgii ahte Juhu lei sin (ja áhččán) máttaráddjá. Ahte áhččán, gii gohčoduvvo Veivoktár-Álber, livččii maid sáhttit gohčodit Juhu-Álberin. Namalassii. Joho-Niillas livččii, jus livččii sámi nammaárbevieru čuovvulan nu mo eatnasat dahket dál, iežas gohčodit Juhu-Nillas- Juhána-Niillas, iige dušše Joho-Niillas. Ferten mis dan “o”maid čilget. Jus olmmoš gohčoda iežas Juhu-maid nu dáža bealde, de olbmot lohket dan dárogiel jietna- deami mielde, šaddá duođaid boastut. Ahte danin lea mu namma Juho-Sire, iige Juhu-Sire, iige Veivoktár-Ál- ber-Sire. In dieđe buvttášii go dát namma eanet muit- tuid. In gal jáhke. Muittán juo hui ollu iežan eallimis, in ge sáhte muitit dan, maid olbmot ovdal mu vásihedje. Muhto Juho-Sire namma buktá eará assosiašuvnnaid sámegielagiidda, dat čielgaset čatná mu sohkii. Namat leat dehálaččat. Daid sáhttá suoládit, ja daid sáhttá viežžat ruovttoluotta. Lean dál smávvát geavahišgoahtán namman. Lea vieh- ka čearggus dahku, dovddan ahte ferten dan čilget juohke háve go dan dagan. Hárjehalan. Danin bijan ge Juho-Sire čálli namman dán girjái. Lea issoras. Allet dubme mu, allet cielat mu, allet boagus mu, buorit ol- bmot! Gohčodehket mu baicce danin, go hállabehtet mu birra sámegillii. Váimmustan giittán. [1] Njálmmálaš dieđuid addán: Regnor Solbakk. Nubbi Regnor dán teavsttas lea Mákká-Regnor. I