Sámis 31

Sámis 31/2020 25 Muhto vuoka -sánis álggii ođđa eallin dan maŋŋá go dat biddjui sátnegirjjiide, vuosttaš háve 1860:s. Gustaf Erik Euréna Finsk-svensk ordbok oainnat muitala, ahte vuoka lea ruoŧagillii sätt dahje form . Ovdamearkan sus leat sánit siihen vuokaan tehty, ruoŧagillii jorgaluvvon gjord på det sättet , efter den formen . Sámegillii dát livččii sullii dan vuoh­ kái dahkkon . Dá oaidnit vel dan ahte álggus davvi­ suopmelaččat gal áddejedje mii dat vuohki dahje vuoka lea ja maid dat mearkkaša. Muhto de Mátta- Suomas gii nu čálligođii málestangirjji ja háliidii diehtit mii livččii form , nugo ruoŧagiela kakform dahje tårtform , suomagillii. Olbmot gal lohke formu dahje vormu , muhto go girječállit háliidedje ealás­ kahttit suomagiela ja geavahit dan maiddái dábá­ laš čállingiellan, duokkár ruoŧagielat eiseválddiid sániid sadjái háliidedje suomagiel sániid. Dalle de sátnegirjjiin gávdnui álkit veahkki: form han lei gus- to albma suomagillii vuoka . Go ráhkadedje gáh- kuid, de heivii gusto bidjat dáiggi siihen vuokaan , ”dan vuohkái”. Nuppiid sániiguin vuoka oaččui áib- bas ođđa mearkkašumi boasttoáddejumi bokte: ruoŧagiel jorgalus sätt , form áddejuvvui dan láhkai ahte form sisttisdoalai maiddái gáhkkofoarpmaid. Ja loahpas geavai dasto nu ahte Mátta-Suomas eai oba oahppan dan, ahte davvisuopmelaččaid vuoka lei álgoálggus vuohki bargat ja doaibmat, ii makkár ge gáhkkofoarbma. G. E. Eurén 1860: Finsk-Swensk Ordbok