Sámis 31

34 Sámis 31/2020 Kommišuvdnalahtuid situeren livččii maid soahpan otná etalaš dábiide, mat gusket dutkiide guđet galget dahkat guorahallamiid álgoálbmotservodagas. Dak- kár situeren attášii almmolašvuhtii mávssolaš dieđuid. Mo dasto galgá Norgga álbmot áddet, ja vel dasa las- sin dáhttut, seanadeami maid sii eai oba ge dieđe ahte guoská sidjiide seammá ollu go sámiide, kvenaide, norggasuopmelaččaide ja vuovdesuopmelaččaide? Manne ba riikkamediat eai jeara eanet, manne ba sámi mediat eai jeara eanet, manne ba kvena mediat eai eara eanet? LEA JASKAT. BISTÁ go son dát jávohisvuohta gitta čakčamánu 1. beaivvi 2022 rádjái? Ja jos nu šaddá, ii go kommišuvnna praksis dalle dušše speadjalastta dáruiduhttinpolitihka praksisa, mas jávohisvuohta ain beassá lebbet gokčasa dán norgga heahpadis historjjá badjel? Kommišuvnna mandáhta addá vejolašvuođa buktit dieđuid proseassa birra: “Jos kommišuvdna oaidná das ávkki, de sáhttá barggadettiin buktit oas- seraporttaid” (mu jorgalus). Oaidná go kommišuvdna das ávkki, vai lea go náđđon? Vai ii go leat veahá imaš ahte guoktenuppelot-sturrosaš joavku, ja njeal- jis vel čállingottis, eai veaje dađi eanet dieđuid addit almmolašvuhtii? MO LEA KOMMIŠUVDNA jurddašan ahte sin bar- gu ii galgga dušše nannet jávohisvuođa sevdnjes suoivaniid maid dáruiduhttinpolitihkka lea daga- han sámiide, kvenaide, norggasuopmelaččaid ja vuovdesuopmelaččaide, ja dainna maiddái joatkit dážaid diehtemeahttunvuođa?