Sámis 31

Sámis 31/2020 49 Logadettiin Krupata girjji bážii munnje millii ahte nie han sáhtte lohkat hui stuorra oasi sápmelaš muittašan ja ieš-vásáhus girjjálašvuođa ge. Dávjá dat gullá gosa nu njálmmálaš ja čálalaš girjjálašvuođa gaskii, dat ii leat ollásit dušše non-fiction dokumentára dan birra mii dáhpá- huvai, muhto dat lea maid muitalus – fikšuvnna girjjálašvuohta. Ovdal lávejedje dán hámi gohčodit hybrida girjjálašvuohtan – ahte ii deavdán buhtes šaŋger-gáibádusaid, ja dan dihtii ii lean seammá buhtis go dat teavsttat mat ledje čállojuvvon jogo čáppa- dahje fágagirjjálašvuohtan. In jáhke omd. Johan Turi leat smiehtan dan earu birra čállimis go čohkkánii dahkat dan teavstta mii loahpas šattai Muitalus sámiid birra , vaikko girjjis leat dievva duohta muitalusat, de dat lea maid seammás háb- mejuvvon girjjálaš teakstan sihke komposišuvnna, sisdoalu hábmema ja muitalanstrategalaš válljeju- miid bokte. Seammá guoská omd. Kerttu Vuolab girjái Čeppari Čáráhus ja Áillohačča diktasyklusii Ruoktu váimmus -girjjis. Dat goappašagat muitalit máná internáhtavásáhusa birra, gehččon ja dov- dojuvvon máná iežas perspektiivvas – vaikko leat čállojuvvon ollesolmmožin. Sáhttá dieđusge ságastallat ja eahpidit ahte man muddui muittut bissot riektan áiggiid čađa, muh- to vuostejearaldat sáhttá seamma bures leat ahte ii go muitu ge ollásmuva olbmo mielde, nu ahte dat maid olmmoš muitá lea duohta muitu mii lea prosseserejuvvon ollásmuvvama, láddama ja jurddašeami bokte. Soaitá dakkár muitu vel eanet duohta go muitu das mii dáhpáhuvai – dovdduid muittut leat dat muittut maid olbmo miella lea giehtadallan ja mat leat leamaš mielde hábmemin olbmo danin manin dal leaš šaddan. Diehtaga ja dáidaga gaskkas leat dovddut – ja dovdduin maid galget kommišuvnnat berostit.