Sámis 31

50 Sámis 31/2020 IVER UTSI Jierbmi birge gávvilvuođas ahte oppa dállu bieđgana, jurddaša skire. Rieban váldá moni ja manná. Nuppi ija fas boahtá rieban ja vázzá birra muora ja geahččá muora mielde bajás. SKIRE ČARKÁ MUORRAGEAŽES: – Maid olmmái geahčat? – Mon lean ohcan sabetávdnasa, ja dál lean gávdnan, lohká rieban. Skire čarká: – Das eai boađe mahkege sabehiid, dat lea nuvt moalkkas. – Das dat jure boahtá ge go dat lea njealjemoalkái, lohká rieban. – Ja mon dárbbašan njeallje sabeha. Mana eret amas it lápmašuva go muorra gahččá. Mon álggán dál čuohppat. Ja nuvt rieban álgá gazzut muora máddaga. De čarká skire riebanii: – Jos mon attán ovtta moni dutnje, sáhtat go dalle diktit muora orrut? – Dalle gal divttán muora orrut, lohká rieban. SKIRE LOSSA MIELAIN váldá moni beasis ja luoitá muora mielde vulos riebanii. Rieban váldá moni ja manná eret. DE BOAHTÁ GARJÁ girddi ja seaivviha nuppi murrii ja ráhku skirii: – Gosa leat guokte moni šaddan. Dus han ledje vihtta go ovddit beaivve ledjen dás? De skire muitala: – Rieban lea áigon čuohppat dán muora sabetávnnasin. Mon lean ferten addit moniidan go lea boahtán ja áigon čuohppat muora. DÁT DÁHPÁHUVAI DALLE go spiret hálle, go dat humadedje. Skire guovttos leigga bargan máŋga vahkku ja čohkken ávdnasiid dálu dahkat. Dat ledje rissegeažit, oalggat, goldnan suoinnit, streaŋgabihtát ja láiri. DAINNA RÁHKADEIGGA SOAI beasi ovtta goavre ja moalkásis soahkegeahčái. Skire leai ožžon vihtta čáppa moni. Ja soai láliiga daid vurrolagai. OVTTA BEAIVVE BOAHTÁ rieban, mii juo lea gávvi- lis fuođđu, ja vázzá birra dan soagi, ain de bissána ja geahččá muora mielde bajás. – Maid olmmái váccát ja geahčat? – Mon lean máŋga dálvvi juo gállán muohttaga dassái go lean dolkan. Ja lean vel vázzán vuovddi čađa ohca- min sabetávdnasa. Dál de viimmat lean gávdnan, loh- ká rieban. – Don fertet mannat eret dán muorrageažis. Mon áiggun álgit čuohppat dan muora. Skire čarká hirbmadit: – Almma don njuolgadit muora gávnnat vuovddis go dán. – In de gávnna, lohká rieban ja nuvt álgá gazzut muo- ra máddaga. Skire čarká fas riebanii: – Jos mon attán dutnje ovtta moni, sáhtát go dalle diktit dán muora orrut? – Dalle mon gal divttán orrut, dadjá rieban. SKIRE RIEHPU ČIERU váldá ovtta moni ja luoitá muora mielde vulos riebanii. Buoret lea ovtta moni massit go