Sámis 31

Sámis 31/2020 51 Garjá ráhku skirii: – Galggat jearrat gos ákšu lea ol- bmás. GO IDJA FAS šattai, de bođii rieban ge fas, ja hui duođas vázzá birra muora ja ain de vilppasta bajás. Skire čarká: – Maid don áiggut? – Mon áiggun duođas čuohppat dán muora, in de šat gille eambbo dálvviid gállit muohttaga. Skire doppe juolgebeali alde čarká: – Gos olbmás lea ákšu? RIEBAN BISSÁNII JA álu oivviid geahččá. – Gii du oaivadii dasa? jearrá rieban. Skire čarká nuvt ahte doarggista vel: – Na garjá. RIEBAN HUI ŠLUNDDIT vázzilii eret, dainna jurdagiin ahte garjái galggai mávssahit. Rieban manai bávtti ala ja velledii, njuokčama geigii olggos, das veallá gitta čalmmiid dego jápmán. GARJÁ BOAHTÁ GIRDDI ja oaidná ahte rieban lea jápmán bávtti ala. Dalle dat seaivvasta bávtti ravdda ala ja hárčula riebana lusa. Seammas go galgá čugget riebana njuokčamii, de rieban dohppe garjjá. – Dál galggat oažžut buot ovddas mávssu, guhte leat nuvt jierbmái ahte leat oaivadan skire. Dál mon gaik- kodan du bihttán. Nu lohká rieban. – Gaikkodat! ráhku garjá, áhččerohkkat dat lávii vuos goddit ovdal go gaikkoda. – Na movt dan sáhttá, jearrala rieban. – Dat gal lea álki, dat ii leat go bálkestit bávtti badjel de mon jámán. De lea dus nu álki mannat bávtti vuol- lai ja gaikkodit. DALLE RIEBAN DOAPMALII bákteravdii ja šluvgilii oai- vvi bures vai juo garjá ravgá bávtti badjel. Dalle garjá girdilii ja láhttestii vel: – Buor-buor-e. DAN DIHTE II oaččo rieban skires moni, ii ge fáhte garjjá gitta. Ii dalle ge vuoitán maidege su gávvil­ vuođainis. Danin dadjet ahte garjjás lea eambbo jier- bmi go riebanis gávvilvuohta. Gullet mánát, Jår’galæd’dji 1982.