55 / 80
Sámis
22/2016
55
Sápmelaččat bargagohtet davviriikkalaččat
Sámi njunušofelaččat oidne dárbun bargagoah-
tit ovttas davviriikkalaččat. 1953:s de dollojuvvui
stuorát sámečoahkkin Sámiid Álbmotallaskuvllas
Johkamohkis Ruoŧas. Bisma Bengt Jonzon, gii lei
skuvlastivrra ovdaolmmoš, rabai čoahkkima daja-
dettiin earret eará:
Eai goassige ovdal leat eiseválddiid, institušuvnnaid,
organisašuvnnaid ja eará doaimmaid olbmot mat
giehtadallet sápmelaš kultur- ja ealáhusgažaldagaid,
ná ollu boahtán ovtta sadjái nu ollu sápmelaččaiguin
dan várás ahte singuin ovttas guorahallat ja árvalad-
dat sápmelaččaid birgenlági dilálašvuođaid ja ealá-
hus- ja kulturgažaldagaid.
Konfereansa válljii juohke riikka várás lávdegotti
mat galge ráhkkanahttit áššiid boahtte konferensii.
Davviriikkaid Sámiráđđi
de vuođđuduvvui nuppi
davviriikkalaš sámekonfereanssas Kárášjogas 1956:s
sámegažaldagaid oktasašbarggu orgánan Suoma,
Norgga ja Ruoŧa gaskkas.
Sámi čoahkkin Johkamohkis 1953.
Gurut beal-
de nubbin: Hjalmar Pavel, Deatnu; Hans J. Hen-
riksen (1903–1977), Deatnu; Per Idivuoma (1914–
1985), Láttevárri; Israel Ruong (1914–1985), Árjjat
luovvi/Árjepluovve; Asbjørn Nesheim, Oslo; dasto
suopmelaš virgeolmmoš, ja olgeš ravddas suop
melaš Karl Nickul, Helsset.
Govva: Noras arkiiva.