Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa
SFS/ stipeanddat

 

Sámi fágagirjjálaš foanda almmuha dán jagi čuovvovaš stipeanddaid sámi fágagirjjálaš čálliide ja jorgaleddiide:

1) 1 prošeaktastipeanda, dokumentára girjái giehtačálus, NOK 100 000.-

2) 4 mátkestipeandda, stipeandda árvu lea NOK 20 000.- rádjái

3) 4 fágalaš artihkkaliid jorgalan/heivehan stipeandda, gitta NOK 10 000.-

4) 5 árvvoštallanstipeandda, árvvoštallat sámi oahpponevvuid dahje dokumentára girjjiid, á NOK 5 000.-


Dát gusto stipeanddaide:

1) Ohcamii galgá ráhkadit dievašlaš prošeaktačilgehusa, ja áinnas duođaštus girjegoastideaddjis ahte ruhtadit ja almmuhit giehtačállosa go dat lea gárvvis.

Foanddastivra vuoruha prošeavttaid/giehtačállosiid main fargga sáhttá ilbmat sámegielat girji dahje eará fágagirjjalaš teaksta. Prošeaktastipeandda sáhttá maiddái geavahit lassiruhtadeapmin. Ohcci galgá muđuidge almmuhit ohcamušas jos prošektii lea ohcan dahje ohcamin doarjaga eará ruhtadeaddjiin. Sii geat ovdal leat ožžon stipeandda, eai sáhte ohcat ovdal dohkálaš raporta lea sáddejuvvon foandda stivrii. Foanda ii ruhtat dieđalaš dutkosiid gárvvistit. Foanddsstivra várre gitta NOK 30 000.- stipeandagirjjiid deaddileapmái. Lágádus mii áigu almmuhit giehtačállosa, sáhtta ohcat deaddilandoarjaga.

Váilevaš dieđut dahket ahte ohcan ii meannuduvvo. Foanddastivra sáhttá hilgut buot ohcamiid jos gávnnaha ohcan omd. ii duhtat Fágagirjjálaš foandda ulbmiliid.

Juolluduvvon ruhta mákso guovtti oasis, bealli go álgá prošeavttain, ja nubbi bealli go lea loahpahan prošeavtta, ja giehtačálus gárvvis.

Jos eai lea dohkálaš prošeaktaohcamat, de sáhttet juolluduvvot eambbo mátkestipeanddaid.

2) Mátkestipeanda lea fágalaš mátkki várás. Vuostáiváldi galgá raporteret stivrii go mátki lea čađahuvvon, ja das galgá buvttaduvvot 5 siidosaš teaksta man sáhttá almmuhit Sámis áigečállagis.

3) Jorgalanstipeanda lea eará gielain jorgalit sámgillii. Artihkkala galgá sáhttit almmuhit Sámis áigečállagis. Juolluduvvon ruhta mákso go artihkal lea jorgaluvvon, boahtán čállingoddái ja dohkkehuvvon.

4) Oahpponeavvu dahje dokumentára girjji árvvoštallan galgá leat 3-5 siidosaš, ja sáhttit almmuhuvvot Sámis áigečállagais. Dan oažžu maŋŋá fállat eará almmuheaddjái. Juolluduvvon ruhta mákso go árvvoštallan lea gárvvis, boahtán čállingoddái ja dohkkehuvvon.

Son geasa stipeanda juolluduvvo, geatnegahtto SFS Foanddastivrrain soahpamuša vuolláičállit eavttuid mielde mat das bohtet ovdan. Soahpamuščálus gávdno SFS neahttasiiddus, samifaga@samifaga.org.

Eambbo dieđut SFS:a čállingottis, tlf. 416 45 751 Svein, dahje 915 90 606 John Trygve.

Ohcanáigenearri: borgemánu 20.8.2015

Ohcan sáddejuvvo čujuhussii:

SFS/Sámi fágagirjjálaš foanda
Poastaboksa 140
NO-9735 Kárášjohka

Dahje sádde e-poastačujuhussii
samifaga@samifaga.org

 

 Foandasoahpamuš.pdf