Sámi fágagirjjálaš foanda almmuha dán jagi čuovvovaš stipeanddaid sámi fágagirjjálaš čálliide ja jorgaleddiide:

1) Gitta 5 prošeaktastipeandda, dokumentára girjái giehtačálus, NOK 100 000.-

2) Gitta 5 mátkestipeandda, stipeandda árvu lea NOK 20 000.- rádjái

Dát gusto stipeanddaide:
1) Ohcan devdo sierra skovvái SFS neahttasiiddus, “Stipeanddat”-bajilčállagis. Jus ozat máŋga stipeandda, de dievddát juohke ohcamii sierra skovi.

Foanddastivra vuoruha prošeavttaid/giehtačállosiid main fargga sáhttá ilbmat sámegielat girji dahje eará fágagirjjalaš teaksta. Prošeaktastipeandda sáhttá maiddái geavahit lassiruhtadeapmin. Ohcci galgá muđuidge almmuhit ohcamušas jos prošektii lea ohcan dahje ohcamin doarjaga eará ruhtadeaddjiin. Sii geat ovdal leat ožžon stipeandda, eai sáhte ohcat ovdal dohkálaš raporta lea sáddejuvvon foandda stivrii. Foanda ii ruhtat dieđalaš dutkosiid gárvvistit. Foanddsstivra várre gitta NOK 35 000.- stipeandagirjjiid deaddileapmái. Lágádus guhte áigu almmuhit giehtačállosa, sáhtta ohcat deaddilandoarjaga.

Váilevaš dieđut dahket ahte ohcan ii meannuduvvo. Foanddastivra sáhttá hilgut buot ohcamiid jos gávnnaha ohcan omd. ii duhtat Fágagirjjálaš foandda ulbmiliid.

Juolluduvvon ruhta mákso guovtti oasis, bealli go álgá prošeavttain, ja nubbi bealli go lea loahpahan prošeavtta, ja giehtačálus gárvvis.

Jos eai leat dohkálaš prošeaktaohcamat, de sáhttet juolluduvvot eambbo mátkestipeanddaid.

2) Mátkestipeanda lea fágalaš mátkki várás. Vuostáiváldi galgá raporteret stivrii go mátki lea čađahuvvon, ja das galgá buvttaduvvot 5 siidosaš teaksta man sáhttá almmuhit Sámis áigečállagis.

Son geasa stipeanda juolluduvvo, geatnegahtto SFS Foanddastivrrain soahpamuša vuolláičállit eavttuid mielde mat das bohtet ovdan. Soahpamuščálus gávdno dás (deaddil).

SFS stipeanda ohcanskovi gávnnat dás pdf hámis (deaddil).

Eambbo dieđut SFS:a čállingottis, tlf. 416 45 751

Ohcanáigemearri: skábmamánu 15.11.2023

Ohcanskovvi sáddejuvvo čujuhussii: samifaga@samifaga.org

Sáhtat maiddái sáddet dán čujuhussii:

SFS/Sámi fágagirjjálaš foanda
Poastaboksa 140
NO-9735 Kárášjohk