Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


2007 sámi fágagirjjálaš stipeanddat
Sámi fágagirjjálaš foanda almmuha dán jagi stipeanddaid sámi fágagirjjálaš čálliide ja jorgaleaddjiide.

Sámi fágagirjjálaš foandda sisaboađut leat girjerájus- ja kopibuhtadus, mat leat dan ovddas go sámegielat fágagirjjálaš teavsttat/girjjit geavahuvvojit girjerádjosiin, ja máŋgejuvvojit ee. oahppoásahusian. Foandda ruđaid galgá vuosttamužžan geavahit ávkin sámi kulturpolitihkalaš doaimmaide, doarjjodettiin sámi fágagirjjálaš čálliid ja jorgaleaddjiid. Ohcat sáhttet fágagirjjálaš čállit ja jorgaleaddjit geat leat, dahje njuolggadusaid mielde sáhtášedje leat, Sámi fágagirjjálaš čálliid- ja jorgaleaddjiidsearvvi miellahttun.

Foanddas sáhttá dán vuoro ohcat prošeaktastipeandda.

Fondii lea vurkejuvvon ruhta 4-5 prošeaktastipendii, stuorrdat 30-50.000 NOK.

Foanddastivra vuoruha prošeavttaid/giehtačállosiid main fargga sáhttá ilbmat sámegielat girji dahje eará fágagirjjálaš teaksta. Prošeaktastipeandda sáhttá maiddái geavahit lassiruhtadeapmin. Ohcci galgá muđuid ge almmuhit ohcamušas jos prošektii lea ohcan dahje ohcamin doarjaga eará ruhtadeaddjiin. Sii geat ovdal leat ožžon stipeandda, eai sáhte ohcat ovdal dohkálaš raporta lea sáddejuvvon foandda stivrii. Foanda ii ruhtat deaddilangoluid.

Eambbo dieđut SFSa čállingottis, tel. 91 59 06 06 / 78 46 88 30.

Vuođuštuvvon ohcan oktan ruhtadanplánain sádde ovdal juovlamánu 21. b. 2007 čujuhussii

SFS/Sámi fágagirjjálaš foanda
Fitnodatgeaidnu 13
Pb 140, NO-9735 Kárášjohka

dahje sádde e-poastačujuhussii

samifaga@samifaga.org



Almmuhan: 13.12.2007
Almmuhan: Webdoaimmaheaddji