Sámi fágagirjjálaš čálliid- ja jorgaleaddjiidsearvi
Saemien faagalidteratuvran tjaelijijih jarkoestæjjajsiebre
Sáme fágagirjásj tjállij- ja jårggåliddijijsiebre
  Miellahttun?
  Kontunummirat Norgga- ja Suoma beali miellahtuide gosa sáhttá máksit miellahttoruđa


2009 fágagirjjálašvuođa stipeanddat
Ohcanáigemearri 18.9. 2009
Sámi fágagirjjálaš foanda almmuha dán jagi stipeanddaid sámi fágagirjjálaš čálliide ja jorgaleaddjiide.

Sámi fágagirjjálaš foanddasisaboađut leat girjerájus- ja kopibuhtadus. Foandda ruđaid galgá vuosttamužžan geavahit ávkin sámi kulturpolitihkalaš doaimmaide, doarjjodettiin sámi fágagirjjálaš čálliid ja jorgaleaddjiid. Ohcat sáhttet fágagirjjálaš čállit ja jorgaleaddjit geat leat, dahje njuolggadusaid mielde sáhtášedje leat, Sámi fágagirjjálaš čálliid- ja jorgaleaddjiidsearvvi miellahttun.

SFS almmuha:

3 mátkestipeandda, iešguhtege gitta NOK 15.000 rádjái.

4 prošeaktastipeandda, main goit okta lea várrejuvvon jorgalit fágateavstta eará gielas sámegillii. Sámegiella mearkkaša dán oktavuođas davvi-, julev- dahje máttasámegiela. Prošeaktastipeanddaid sturrodat lea gitta NOK 50.000 rádjái.

Buot stipeanddaide lea eaktun fágateavsttaid buvttadeapmi. Fágalaš čálus dan oktavuođas lea čálus mii lea jurddašuvvon juksat olu lohkkiid, man čilgenvuohki lea fágalaš seammás go das lea dábálaš álkkes ja áddehahtti giella. Mátkestipeandaohcamušain gáibiduvvo čilgehus mo mátki lea dárbbašlaš skáhppon dihtii dieđuid mat leat ávkin ja anolaččat fágagirjjálašvuođa buktaga dahkamii. Geahča dárkilet eavttuid dás.

Eambbo dieđut dáin: Trond Are Anti, foanddastivrra ovdaolmmoš, tel 40 04 55 18; dahje John T. Solbakk, foanddastivrra čálli, tel 91 59 06 06 / 78 46 88 30.

Vuođuštuvvon ohcama oktan ruhtadanplánain sádde ovdal čakčamánu 18. b. 2009 – čujuhussii, SFS, Pb 140, 9735 Kárášjohka, dahje e-poasta-čujuhussii: samifaga@samifaga.org.



Ođasmahttán 07.09.2009
Almmuhan: Webdoaimmaheaddji