SFS lágidii jahkečoahkkima 2022 lávvardaga čakčamánu 3. beaivve Radisson Blu Scandinavia hoteallas Oslos. Oktiibuot ledje 17 miellahttu geat serve čoahkkimii.

SFS stivra mearredii stivrračoahkkimistis miessemánus ahte dán jagáš jahkečoahkkin galggai lágiduvvot Oslos. Áigumuš lei ahte livčče galgan lágiduvvot olgoriikkas, muhto eahpesihkarvuohta johtolagaid geažil šattai čoahkkinbáiki Oslo.

Bearjadaga čakčamánu 2. beaivve lei ekskuršuvdnabeaivi. Našunalagirjerájus lei vuosttas galledansadji. Searvvi lahtut ožžo doppe diehtojuogu sámi girjemateriálaid birra, diehtojuogu mo oažžut beassama materiálaide, sihke digitálalaččat ja analogalaččat. Loahpas lei vel vejolaš oahpásmuvvat ovddeš originála materiálaide girjerádjosis.

             Nubbi galledan sadji lei ođđa Deichmann girjerájus. Doppe ožžo oasseváldit beannot diimmu guovtti joavkkus oahpásmuvvama olles girjerádjosis.

Lávvardaga lei jahkečoahkkin beaivi mii álggahuvvui seminárain. Lene Antonsen logaldalai guokte diimmu fáttás “Mo Sámifága miellahtut sáhttet ávkkástallat giellateknologálaš reaidduin?”

Jahkečoahkkin lágiduvvui dii. 1300 – 1515. Doppe meannuduvvojedje dábálaš jahkečoahkkin áššit.

Maŋŋá jahkečoahkkima besse miellahtut galledit Našunalgalleriija.

Jahkečoahkkin beavdegirjji gávnnat dás SFS  (Beavdegirjjit ja jahkedieđáhusat).