Sámis 13

58 / 60

58 Sámis 13/2013
Mu seaŋgga guoras lávii ovdal oalle dávjá fieradit
muhtunlágan girji. Ja hui dávjá ledje dat dakkár girjjit
maid ledjen oastán girdihámmaniin daid háviid go lei
ihána buorre dilli go vuorddašin girdiid. Ja dat girjjit
sáhtte gal maid oalle guhká fieradit das seaŋgga guo­
ras, muhto man nu ládje de lávejin goit muhtun ládje
geargat lohkamis daid.
Dál lea oalle guhkes áigi go mus lea leamaš mak­
kárge lohkamuš das seaŋgga guoras, ja dat lea danne
go lean nu hirbmat láiki šaddan. Ja de ferten muitalit
movt mun lean láikon.
Girjji ii sáhte "scrollet". Amma ipmirdehpet? Nie
jođánit bláđet, nu movt dihtoris dahká go lea lohkame
juoidá interneahtas. Ja nu lea ge. Danne mun in loga,
go dat lohkan lea šaddan hirbmat áddjás doaibma.
Ja girjjiin ádjána ge nu jalla guhká ovdal dainna
geargá. Dasa lea ollu čállojuvvon, ja dasa lassin de fer­
te álo bláđestit vai oaidná movt de joatkašuvvá dat
čálus. Diesa mun in hálit ge šat bidjat áiggi. Nu ahte
dat maid dán áigge logan, leat áviisačállosat dahje
bláđiin diet noveallat. Dat leat gal čállon oalle smáv­
va bustávaiguin, muhto buot lea goit das seamma
siiddus, nu ahte oainnán loahpa ovdal ollen dohko.
Mun muittán bures manne oastigohten dieid girdi­
hámmangirjjiid. Máŋgii lávejin mun dat maŋemus gii
manan girdái, ja de lávejedje guorranan diet nuvttá­
aviisahildut. Nu mun de gárten lohkat dien "on board"
bláđi oalle máŋgii, ja de dihten measta bajil buot mii
dasa lei čállojuvvon. De lei mihá buoret ahte mus lei
girji man sáhtten lohkat, das goit juobe juoga ođđa
dáhpáhuvvá.
In dieđe mii leaš dan čállon sánis, muhto mun nu hir­
bmadit váibban maid dainna lohkamiin. Dalle go stu­
deanta ledjen, de lei earenoamážit okta peda­go­gihk­
ka­girji mii dagahii ahte nahkárat rohttejedje ovttat­
mano. Diet girji lei lihkus pensumlisttus buot golbma
jagi, ja de dan maŋemus jagi mun de loahpas nagodin
dan lohkat nu ahte in ribahan nohkkat logadettiin.
Ja de easka fuomášin man miellagiddevaš dat girji
duođai lei. Orui measta suddu ahte ledjen golbma jagi
ádjánan dan lohkat pearpmas perbmii.
Muhto de gullui rádios illusáhka! Elle Márjá Vars lea
jurddašan mu ja earáid birra. Mii geat leat láikkit loh­
kat, ja sii geat eai leat nu čeahpit lohkat sáhttit liikká
oahpásmuvvat Elle Márjjá girjjiid sisdollui, go dál son
áigu daid almmuhit jietnagirjin. Mun nai beasan de
k o s e r i i j a W e n c h e M a r i e H æ t t a
Mun in gille
lohkat­