Sámen 1

6-7 / 64

6 Sámen 1/2014 Sámen 1/2014 7
Sámij viessom Divtasvuona vuodnarájgijn li viehka av­
talágásj. Ienemusá dan ájge man birra dánna tjáleduv­
vá, årrunsáme Helmåvvån mij aj gåhtjoduvvá Oarjje­
vuodna. Vuostak le vásstedit mij dát jagijt man birra
galggá subtsastuvvat ja makkára li jahkeoase. Tjálos
sjaddá ilá guhkke jus galggap snivva tjállet gåktus lij ål­
les jagev birra. Dát tjálos galggá sámij ådå jage birra ja
gåktu dat ådåjahke lij ja majt sáme barggin.
Divtasvuona sámij jahke, mij lij
dat?
Dálvve guovddela gå le tjoaskes, muoh­
ta ja jiegŋa, de le biejvve mij gåhtjoduvvá
ådåjakbiejvve. Ja dat le vuostasj biejvve
dan máno mij sámegiellaj gåhtjoduvvá
ådåjakmánno. Gå dat biejvve boahtá, de
målsoduvvá jahketálla mij viertti tjále­
duvvat juohkka sadjáj – nav gåktu Vuona
rijka kalænndarin le tjáledum.
Valla daj lunna gudi årru luondon ja vies­
su masta luonndo vaddá, ij le åvvå mige
mij vuoset ådå jagev. Sæmmi sjævnnjat gå
åvdep biejvijt, muohta, jiegŋa ja tjoaskes.
Garra dálvve majt ulmutja ja luondo vies­
soga galggi tjádadit. Luonndo ja viessoga
vuorddi divna vaj dálvve luluj nåhkåt.
Biejvve badján ja badján, lieggi ienebut
ja ienebut. Muohta suddá vuolládagánj.
Jiegŋa gáhtu, bivval sjaddá. Jåhttelåtte
båhti, duola degu tsagán ietjas ruoppsis
juolgij guovtes ja guovtes ma juo åhtsåba
sajev fiervvágátten gånnå månnit ja lállet.
Muohtatsihtse doahkken háledi bievlaj
milta gietten dajna gå muohta le ánj váren
mij le sijáj sijdda.
Garra dálvve någåj. Gidádálvve aj. Viesoj­
ma dálvev dán jage aj, javllin ulmutja ja
lidjin mihá jalik ávon! De dal vat viessup.
Ilmme viessu, luonndo viessu – ja div­
na ma li luondon. Tjabu gårkkå guohtsa­
gåhti. Ådå viessomjahke álggá gå gidá
boahtá.
Mikal Urheim
Ådå jáhke álggá Divtasvuonan
Tjierrek-Ijvvára stárffo Måsken. Garra dálvve någåj. Gidádálvve
aj. Gidá bådij. Biejvve bájttá ja lieggi. Gatsodum guole gåjk­
kåm ja gárvvasa vuobddet gå dal guolleoasste boahtá.
Giette ruonudi gå sjaddá rahttá. Buvijt luojttet ålgus vaj
ietja guohtu ådå rásev. Gálbijt jugádit jáffojubtsajn gånnå
binná mielkke, valla gå dajt luojttá ålgus, de da ietja guoh­
togåhti. Gálpe livvadi ja smieritji.
Jahkeoase gåhtjoduvvin jábe, akta jáhpe ja moadda
jábe. Dáro kalænndarin li niellja jábe: Dálvve, gi­
dá, giesse ja tjaktja. Valla sáme jagen le gáktsa jábe
nav gåktu dánna vuojná: Gidá, gidágiesse, giesse,
tjaktjagiesse, tjaktja, tjaktjadálvve, dálvve ja gidá­
dálvve.
Ulmutja viessomin le dálvve agev årrum jage gar­
rasamos ájgge. De vierttijin sij årrot avtan sajen
gånnå manáj hekkav bierggit desik gidá vas bådij.
Gå gidá boahtá, de vat luonndo viessugoahtá. Sjatto
sjaddagåhti. Juhtusa ja låtte oadtju tjivgajt majt sij
sujttiji desik sij tjavtjan ietja rijbbi dálvev tjada.
Gåvvididdje: Julev Gåvå, Erling Urheim