Sámis 13

59 / 60

Sámis 13/2013 59
viimmat diehtit mii dat lea diet čábbámus iđitguovssu,
go iežan láikodagain gal guhkkin eret lean gillen loh­
kat sámegiel girjjiid. Sámegielas han leat nu jalla guh­
kes sánit, ja vaikko man ollu sojahanvuogit mat dahket
oalle lossadin dan lohkama. Mu mielas goit lea nu.
Danne lea ge várra buoret ahte son gii lea čállán
daid guhkes sániid dan assás girjái, ieš daid baicca loh­
ká munnje. Áidna mas mun dál balan, lea ahte ribahan
oba máŋgii nohkkat go guldališgoađán Elle Márjjá
jietna­girjjiid. Go sus han lea nu fiinna litna lohkanjiet­
na ahte balan dan munnje váikkuhit seammaládje go
muhtun čáppa buorre idjalávlla. Ja nu gal ii galggaše
dáhpáhuvvat, go de han mun ádjánan dainna jietna­
girjjiin seamma guhká go dieinna pedagogihkkagirj­
jiin. Muhto buoret lea dohppet Elle Márjjá fárrui girdi­
mátkái go muhtun girdihámmangirjji. Jietnagirji han
lea nu unni ja geahpas ahte čáhká buksalummaide.
Dál de lea mearriduvvon! Mu boahtte mátkeguoi­
bmi lea Elle Márjá Vars. Buoret gullat su lohkama go
girdi­juma ja amas olbmuid mánáid čierruma. Ja jus
dette ribahan nohkestit, de jáhkán Elle Márjjá munnje
hui álkit addit ándagassii, ja ahte lohkagoahtá álggu
rájes fas dan girjji munnje.