41 / 60
Lena Kappfjell
Ij barre nåake,
ij barre buerie…
D
aaroengïelene lea dïejvese, jïh eenngeles
gïelen aaj, mejnie maahta moenedidh ahte ij
gåaredh gåabpatjahkide bielide gïehtjedidh
vuj åeliedidh, barre aktem vuj mubpiem ”either/or” vuj
”enten/eller”. Daate lea meanoem mah jïjnjebh iemi
ealmetjidotkijh bajjehtieh jillieveartenen logihken
våaroemistie båata,
dikotomijine
dïerhkestidh. Akten
teovrijen laahtese lea
faelskies vuj saetnies
, daate hov lea
aktem åajvievuajnoem mij lea guhkiem vihties orreme
akademijesne, juktie universiteeten voestegesjaepien
filosofijelohkemisnie learohkh joe nimhtie lïereme
byjreskem jïh veartenem
dikotomijesne
vierhtiedidh.
Darhkan ij leah barre jollebe ööhpehtimmesne
almetjh leerieh nimhtie ussjedidh, siebredahken
gaajhkine daltesinie jïh politihkesne aaj daamtaj
govlijibie nimhtie soptsestehtieh. Akte åehpies
vuesiehtimmie hov lea USAen presideente guhte
bajjehti mænngan dïhte stoerre terroristeïrhkelimmie,
9/11, ahte gaajhkh jeatjah laanth lin USAen vööste
vuj mieltie. Jïh nimhtie tjihtedin jeatjabidie bieliem
veeljedh dennie ”orre” terrovredåarosne. Dagkarinie
soptsestimmievuekine maahta jeatjah almetjh dïjpedh,
guktie eah vuejnieh dagke lea gåalmedem nuepiem aaj,
gåerede nöytraaline årrodh.
Saemeste saaman
SÁMIS
1/2013
41