4 / 80
4
Sámis
22/2016
ranan dan dáfus ahte mis leat lágat ja njuolggadusat
mat galget sihkkarastit giela ovddideami ja geavahea-
mi almmolašvuođas, ja sámegiela oahpahusa mánáid-
gárddis ja skuvllas.
Norgga ráđđehus vuođđudiui 2014 giellalávegotti mii
galggai guorahallat ortnegiid, doaimmaid ja njuolgga
dusaid mat leat čadnojuvvon sáme gielaide norgga-
bealde, ja evttohit mo daid sáhttá heivehaddat otná
almmolaš bálvalusaide, vai sámegillii ge doaimma
šedje seammaárvvosaččat go dárogillii. Lávdegod-
di buvttii raportta golggotmánus 2016, ja das ledje
moanat evttohusat mo sáhtášii nannet ja buoridit
sámegiela geavaheami almmolaš ásahusain, nu mo
mánáidgárddis, skuvllas ja gielddahálddahusas. Dát
leat buorit ođđasat, ja sávvamis leat dát buorit doaim
mat mat livčče mielde loktemin giela árvvu sihke sá-
miid gaskkas ja stuorraservodagas. Liikká leat giella
geavaheddjjiin, bargiin ja earáin geat áŋgiruššet gie-
la ovdáneami ja boahtteáiggi stuorra hástalusat dás
duohko. Dasa dárbbašit mii nana dáhtu, máhtu, jáhku
ja váimmu.
Elsa Laula Renberg ii sáhttán dieđusge árvidit mo
min dilli lea otná servodagas, muhto son diđii bures
mii gáibiduvvui rahčat sámiid, sámi árvvuid, min kul-
tuvrra ja vuoigatvuođaid ovddas. Son lei olmmoš gii
máŋgga láhkai elii ovddabeale iežas áiggi. Čálán dán
teavstta gudnin sutnje ja buot min dalá ovddasman-
niide. Elsa Laula Renberg ii lean okto dán barggus.
Dát leat olbmot guđet fertejedje gierdat bilkosániid
ja garra moaitámušaid, maiddái siskkobealde sámi
servodaga. Čálán dán gudnin sidjiide geat eai goasse-
ge joavdan ruoktut, mátkkoštettiin sámepolitihkalaš
čoahkkimiid oktavuođas. Mun čálán dán gudnin min
ČSV-vuoiŋŋa ovddasteddjiide, sidjiide guđet vuostá
laste Norgga Stuorradikki olggobealde ja Čávččus
Áltta-Guovdageainnu ákšuvnna áiggiid. Min čálliide,
sámi oahpaheddjiide, akademálaš ovddasmanniide ja
earáide guđet leat áŋgiruššan ja ovddidan sámegiela
almmolašvuođas, skuvlagiellan, ráhkadan oahppo
neavvuid ja dokumentáragirjjiid sámegillii. Dálá nuor-
ra aktivisttaide guđet duostilit ja árjjálaččat jotket árb
bi ja barggu nannet ja seailluhit sámegiela ja kultuvrra
boahtteáiggi. Otnábeaivvi dáidet leat ain máŋggat
Elsa Laula Renbergat, geat ellet ovddabeale iežaset
áiggi. Ii otná servodagas ge leat sámiid áššiid bargu
dakkár man ovddas álo oažžu dušše giittossáni. Buoh-
kat geat searvat sámi áššiide iešguđet láhkai dahkat
ovttas nu ahte mis, ja sis guđet bohtet min maŋis, livč
čii vejolašvuohta čállit iežamet historjjá ja eallit álbmo-
gin, eatnamis eatnama láhkai.
Dearvvuođat
Lill Tove Fredriksen, SFS ovdaolmmoš