Saemeste saaman 1

14 / 60

14 Saemeste saaman SÁMIS 1/2013
Båeries soptsese
Ikth lij fuelhkie derhviegåetesne. Aahkah aajjah tjoeri­
gan röynesjidh. Numhtie dïhte båarasommes tjuara dej­
tie smaavebe åerpenidie vuartasjidh. Dellie gïerhkeme-
maanam boeltesne vöörhkin gosse tjuvrijste bïlleminie.
Guktie amma, – åajaldehtin gusnie dam gïerhkemem
gævnjastamme. Idtjin gaavnh gænnah.
Iehkeden vööste eejhtegh göötide båetijægan, eakan
gïerhkemem derhviegåetesne vuejnieh gænnah. Maa­
nah dellie saarnoeh guktie gïerhkeme-maanam gaer­
viehtamme gosse tjuvrijste bïllin. Båarasommes hov
soptseste guktie gåangkoeh goesen nualan onne-åabpe­
bem gævnjoestamme. Dah jis barre stååkedeminie, eah
mujhtieh gænnah gusnie onne-åabpa. Eejhtegh dahkoe
vaarrestægan. Ojhte desnie onne-åabpa.
Guktie aalkoealmetjh maanide
guedtieminie
Aalkoealmetjh abpe veartanisnie aeriedistie iehkiedas­
se ålkene barkeminie, dovne nyjsenæjjah gaarmanæj­
jah. Dellie nyjsenæjjah tjuerieh maanide guedtedh. Jee­
nemes maanide rudtjesne njöömieh. Numhtie maeh­
tieh gïetigujmie barkedh jïh moerh risjnedh, tjaetsiem
guedtedh, beapmoem jurjiehtidh jallh ealoem ryöjnes­
jidh. Sinsitniem viehkiehtieh. Åerpenh badth aaj gued­
tieh jïh uvhtieh. Dej guedteme-aath mijjese ”soptses­
tieh”, guktie almetjh veasoeminie, guktie vearelde jïh
guktie eatneme lea – jïh mestie aath vytnesjamme jïh
numhtie.
Luste vuejnedh guktie jeatjah almetjh aaj sijhtieh­
aalkoe­almetjistie lïeredh. Daelie maehtebe ”wrapa­
rounds” bovresne åestedh, seamma gusnie fealadi­
bie! Dïhte stoe­re tyjjestuhtje mejnie tjidtjebe maanam
njåatsastahta jïh jïjtsasse gaarhkehte. Numhtie aelhke­
be maanam suvhtedh. Maanah aaj tryjjedieh gosse åadt­
joeh tjidtjeben lïhke årrodh!
Seammalaakan gosse maanah gïerhkemisnie. Dellie
maa maana iktegisth eejhtegi lïhke. Numhtie saemieh
maanide boelvijste boelvide sovkehtamme. Gïerhkeme
eensi ”sjïehtesjamme”.
•
Båarasommes baarneme Kræsta. Dïhte akte jaepien båe­
ries jaepien 1998. Dïhte tuhtji luste onnegïerhkeminie
stååkedidh. Maadteraajja Lars Tomasson dam dorjeme.
Maadteraajja Lars Tomasson gosse noere lïj.