Saemeste saaman 1

16 / 60

16 Saemeste saaman SÁMIS 1/2013
Lena Kappfjell
Emilie Demant Hatt (1873–1958) lij etno­
graafe, guvviedaajhtije jïh tjaelije Dan­
maarhkeste. Saepmesne satnem daejriejibie
ihke dïhte hov dïhte Johan Turien skraejrine sjïd­
ti goh lij tjaelieminie sov beagkoes gærja Muitalus
sámiid birra – En bog om lappernes liv 1910. Emi­
lie Jåvnam eevtjedi sae­mien tjaeledh, jïh dle sat­
ne dïhte sov teekste daanske­gïelese jarkoesti, maaje
aaj beetnehdåarjoe ohtsedi guktie buektiehtin Tu­
rien gærjam åålmehtidh. Emilie varki saemien lïeri,
jïh åadtjoeji saemien fuelhkine årrodh jïh båatsojne
barkedh abpe jae­pien tjirrh 1907–1908. Dan bïj­
re aaj jïjtse gærjam åålmehti Med lapperne i høfjel-
det 1913, jïh jïjnjh guvvieh vaeltiji dan juhtiemisnie
daelvie­laanteste giesie­laantese.
Goh lim dejtie sov guvvide gïehtjedeminie
Romssan universiteete-våårhkosne, dle vueptiestim
jïjnjh guvvieh aaj åarjelsaemien raedteste, jïh dïhte
akte mannem joekoen dïjpi. Vuesehte åarjelsaemi­
en gåmma, tjahkan onnohtje maanam eskesne, jïh
vååjnoe maanan åejjie tjamki tjaabreminie. Emilie
tjaala ahte gåmmeskodtje jïjnjem sutnjien soptses­
talli veele daan sjïere båeries saemien daepien bïjre,
jïh guktie saemieh tuhtjieh tjaebpemes åejjiehaemie
dïhte jorpehke.
Emilien vaajmosne Saepmie joekoen sijjiem
åadtjoeji. Jïh mænngan lij tjïepteme, dellie böökti
paarrebielie mealtan bæjjesvåårti noerhtese. Satni­
ne ektesne fealadi Saepmien mietie Káresovvenis­
tie noerhtede jïh åarjese Vaapstenem, Bïenjedaelese,
eevre Idre-dajvese. Emilien gaalla aaj saemien kul­
tuvreste eadtjaldovvi, badth arkeologe jïh kultuvre­
geografijen professovre lij. Jïjnjh soeth, bïevnesh jïh
dam mij gohtje folklore (heamtuvrh, soeth, kultuv­
ren daepieh, aerpievuekieh jnv.) tjöönghkegöödtin,
jïh buerie gujhth aevhkine Emilie joe lij saemien lïe­
reme, jalhtsh nov tjaala ahte dah saemien smaaregh
leah nov joekehthlaakan idtji goh buektehth aktem
ellies gïelehaamoem gaavnedh. Gærjetje badth deh­
tie fealadimmijste aaj sjïdti Ved ilden – eventyr og
historier fra Lapland 1922. Desnie lea soete mij vee­
le daejrehte daate joekoen saemiej daepie – maanaj
åejjieh haemiedidh.
Dovletji saemieh
maanaj åejjieh
haemiedin